हेल्थ टुडे,
काठमाडौं,३१ असार : नव नियुक्त स्वास्थ्य तथा जनसंख्या मन्त्री प्रदीप पौडेलले पद बहाली गरेका छन् । राष्टपति निवास सितल निवासमा सपथग्रहण गरेपछि सोमबार मध्यान्ह मन्त्री पौडेल पदभार ग्रहण गर्न स्वास्थ्य तथा जनसंख्या मन्त्रालय पुगेका थिए । मन्त्री पौडेललाई स्वास्थ्य मन्त्रालयका सचिव डा. रोसन पोखरेल, अतिरिक्त सचिव डा. विकाश देवकोटा, डा. दीपैन्द्ररमण सिंह र डा. टंक बाराकोटी लगायत मन्त्रालयका उच्च अधिकारीले स्वागत गरेका थिए । त्यसपछि मन्त्री पौडेलले पद बहाली गरेका थिए ।
मन्त्री पौडेलले क्यान्सर निवारण गर्न नयाँ रणनीति बनाउने र स्वास्थ्य विमा कार्यक्रमलाई थप प्रभावकारी बनाउने गरि दुई वटा निर्णय गरेका छन् । पदबहाली पछि संक्षिप्त प्रतिकृया दिदै मन्त्री पौडेलले अल्पकालिन र दीर्घकालिन गरि योजना बनाएर स्वास्थ्यका विद्यमान समस्या समाधान गर्न आफू तल्लिन रहने बताए । स्वास्थ्यका सबै बिषयमा आफु पुर्णरुपमा जानकार नभएको बताउदै उनले विज्ञहरुको सल्लाहका आधारमा अगाडि बढ्नेमा जोड दिए । पदभार ग्रहणपछि मन्त्री पौडेलले मन्त्रालयका कर्मचारीहरुलाई सम्बोधन गर्दे सबैको सहयोग र सहकार्यले मात्र स्वास्थ्य क्षेत्रमा उपलब्धि हासिल गर्न सकिने बताउदै सबैले काममा इमान्दार प्रयास गर्नु पर्ने बताए । पौडेल नेपाली कांग्रेसका युवा नेता हुन ।
प्रदीप पौडेलले सम्हाले स्वास्थ्यको बागडोर
![प्रदीप पौडेलले सम्हाले स्वास्थ्यको बागडोर](http://healthtodaynepal.com/wp-content/uploads/2024/07/P-Pradeep-Poudyal-P-5414fd6-940x593.jpg)
Leave a Reply