साइमनको पाँचौ राष्ट्रिय सम्मेलन असोज २८ र २९ गते पोखरामा हुने

हेल्थ टुडे,
काठमाडौं, २७ असोज : नेपाली फिजिसियन चिकित्सकहरुको साझा संस्था सोसाईटी अफ इन्टरनल मेडिसिन अफ नेपाल (साइमन) को पाँचौ राष्ट्रिय सम्मेलन असोज २८ र २९ गते पोखरामा हुने भएको छ । सम्मेलनमा देश र  विदेशका  फिजिसियन चिकित्सकहरुले भाग लिने छन् । साइमनका ६ सय जना फिजिसियन सदस्य छन् ।

साइमनका महासचिव डा. मुकुन्दप्रसाद काफ्लेका अनुसार सम्मेलनको उद्घाटन असोज २८ गते पोखराको  होटेल ग्रान्डमा हुने छ । सम्मेलनको प्रमुअ अतिथि शिक्षाविद् जर्ज जोन हुनेछन् । सम्मेलनमा मुटुरोग, मिर्गौला रोग, स्नायुरोग, बाथ रोग लगायत गरि विभिन्न विधाका ५० वटा कार्यपत्र प्रस्तुत गरिने साइमनका कार्यालय सचिव अर्जुन बहादुर चन्दले जानकारी दिएका छन् । सम्मेलनमा नेपाल बाहेक बेलायत, भारत, बंगालादेश र माल्दिभ्सका फिजिसियन चिकित्सकहरुले समेत भाग लिने छन् ।

सम्मेलनको स्थानिय आयोजक मणिपाल मेडिकल कलेजका प्रा. डा. अभिषेक मास्के हुन । पाँचौ सम्मेलनको तयारी लगभग पुरा भइसकेको साइमनका सभापति एवं आयोजक समितिका प्रमुख डा. अरुण मास्केले जानकारी दिए । सन् १९९४ मा स्थापना भएको साइमनको पोखरामा तेश्रो पटक सम्मेलन हुन लागेको हो । साइमन सम्पूर्ण फिजिसियन चिकित्सकहरुको शैक्षिक विकासमा समर्पित संस्था हो ।