राष्ट्रिय आँखा रणनीतिबारे नेत्रज्योति संघको पत्रकारलाई प्रशिक्षण

हेल्थ टुडे,
काठमाडौँ, १८ बैशाख : नेपाल नेत्रज्योति संघले पत्रकारहरुलाई आईतबार राष्ट्रिय आँखा रणनीतिका बिषयमा प्रशिक्षण दिएको छ । ललितपुरको गोदावरीमा सम्पन्न भएको एक दिने प्रशिक्षणमा राजधानीमा रहेर विभिन्न मिडियामा कार्यरत करिव ६० जनालाई प्रशिक्षण दिइएको हो । नेपाल नेत्र ज्योति संघका अध्यक्ष प्रा. चेतराज पन्तले उद्घाटन गरेको कार्यक्रममा संघका महासचिव भरतबहादुर चन्दले नेत्रज्योति संघले प्रदान गरिरहेको आँखा सेवाको अवस्थामा बिषयमा चर्चा गरेकाथिए । उनले आँखा स्वास्थ्यका बिषयमा जनचेतना बिस्तार गर्न पत्रकारहरुसँग मिलेर काम गर्न संघ तयार रहेको बताए । संवैधानिक तथा नीतिगत व्यवस्थाका साथै अपांङ्गता सम्वन्धी अन्तराष्ट्रिय महासन्धिको मर्मलाई समेत दृष्टिगत गरी राष्ट्रिय आँखा स्वास्थ्य रणनीति (२०७९–२०८६) तर्जुमा गरिएको स्वास्थ्य तथा जनसंख्या मन्त्रालय नीति योजना तथा अनुगमन शाखाका बरिष्ठ जनस्वास्थ्य अधिकृत डा. रविकान्त मिश्रले बताए । आँखा स्वास्थ्य सेवामा सुधार ल्याउन सरकारले बनाएको सात वर्षे रणनीतिको मूल उदेश्य उनको भनाई थियो ।
कार्यक्रममा पत्रकाररुको आँखामा हुने समस्याहरुको बारेमा तथा आँखाको संरचना र दृष्टि प्रदान गर्न यसले गर्ने कार्यका बारेमा आँखा रोग विज्ञ डा. सविना श्रेष्ठले पत्रकारहरुलाई जानकारी गराएकीथिइन । यस्तै विश्व र नेपालमा अन्धोपनाको अवस्थाबारेमा समेत जानकारी दिइएको थियो ।
छलफल कार्यक्रममा आँखा विशेषज्ञ प्राडा श्रेष्ठले आँखामा हुने समस्या, कम्प्युटरमा बसेर काम गर्ने पत्रकारहरुको आँखामा देखिने साझा समस्याका बारेमा प्राडा श्रेष्ठले बताएकी थिईन । आँखाबारे जानकारी दिदै आँखाको सेतो भाग सेतो र काल भाग कालो देखिनु सामान्य भएको र रंङमा बदलाव आएमा कालो हुनुपर्नेमा सेतो र सेतो भएको ठाँउमा कालो दागहरु देखिए असामान्य रहेको बताइन्। त्यसैगरी ढकनी, अध्यारो उज्यालो, दाँया बाँया हेर्दा लगायत बाहिरबाट कसरी आँखा असामान्य भएकोबारे थाहा पाउने भन्ने कुार जानकारी गराएकी थिइन्।
कार्यक्रममा संघका कार्यकारी निर्देशक डा. शैलेश मिश्रले नेपाल नेत्र ज्योति संघले दिएको सेवा र भावि योजनाका बारेमा बताएका थिए ।

संघका कार्यकारी निर्देशक डा मिश्रले संघले आँखा सेवाको क्षेत्रमा गरेको कामको विवरण दिदै आगामी दिनमा गर्ने कार्ययोजनाका बारेमा बताएका थिए । उनले नेपालमा अन्धोपना निवारणमा भइरहेका कार्यक्रमहरुको भुमिका र असरबारे जानकारी दिएका थिए ।