स्वास्थ्य मन्त्रालयका सचिव डा. पोखरेल र अतिरिक्त सचिव डा.सिंहको विदाई

हेल्थ टुडे,
काठमाडौं, ११ फागुन : स्वास्थ्य तथा जनसंख्या मन्त्रालयका सचिव डा. रोसन पोखरेल र अतिरिक्त सचिव डा. दिपेन्द्ररमण सिंह सेवा निवृत भएका छन् । विशिष्ठ श्रेणीमा पाँच वर्ष सेवा गरेपछि कानून अनुसार दुबै जना सेवा निवृत भएका हुन । स्वास्थ्य तथा जनसंख्या मन्त्रालयले आईतबार मन्त्रालयमा विदाई कार्यक्रमको आयोजना गरि दुबै जनालाई हार्दिकताका साथ विदाई गरेको हो ।
कार्यक्रममा स्वास्थ्य तथा जनसंख्या मन्त्री प्रदीप पौडेलले डा. पोखरेल र डा. सिंह आफ्नालागि अभिभावक जस्तै भएको स्मरण गर्दै भविश्यमा पनि स्वास्थ्य सुधारका लागि दुबै जनालाई आफु सल्लाहकार मानेर काम गर्ने बताए । सेवा निवृत स्वास्थ्य सचिव डा. पोखरेलले सचिव भएर काम गर्न पाउनु आफ्नो लागि शौभाग्य भएको बताउदै भविश्यमा परे आवश्यक परे मन्त्रालयललाई सहयोग गर्न तयार रहेको बताए । विसं २०५९ मा स्वास्थ्य सेवा प्रवेश गरेका पोखरेल विसं २०७८ साल साउन ५ गते स्वास्थ्य तथा जनसंख्या मन्त्रालयको सचिव नियुक्त भएका थिए । साडे ३ वर्ष सचिव भएका पोखरेलले ८ जना स्वास्थ्य मन्त्री र ३ जना प्रधानमन्त्रीसँग काम गरेको र सबैबाट सहयोग मिलेको बताए ।
आजैदेखि सेवा निवृत भएका अतिरिक्त सचिव डा. दिपेन्द्र रमण सिंहले पनि जिम्मेवारीमा रहदा मन्त्रालयका सबै अधिकारी र कर्मचारीबाट सहयोग पाएको स्मरण गर्दै पदमा रहदा इमान्दारिताका साथ काम गरेको सुनाए । डा. सिंहले स्वास्थ्य सेवा विभागको महानिर्देशकको पनि जिम्मेवारी कुशलताका साथ सम्हालेका थिए । कायृक्रमममा स्वास्थ्य मन्त्री प्रदीप पौडेल, सचिव हरि मैनाली, स्वास्थ्य सेवा विभागका महानिर्देशक डा. विकाश देवकोटा लगायतले उपहार सहित माला लगाएर सचिव डा. पोखरेल र अतिरिक्त सचिव डा. सिंहको विदाई गरेका थिए ।