एकै पटक ५ सय चिकित्सकको विज्ञापन हुन्छ: स्वास्थ्य मन्त्री पौडेल

हेल्थ टुडे,
काठमाडौ, २० फागुन : स्वास्थ्य तथा जनसंख्या मन्त्री प्रदीप पौडेलले छिट्टै एकै पटक ५ सय चिकित्सकको विज्ञापन हुन लागेको बताएका छन् । नेपाल चिकित्सक संघको ७५ औं स्थापना दिवसका अवसरमा मंगलबार राजधानीमा आयोजना गरिएको कार्यक्रममा मन्त्री पौडेलले एकै पटक ५ सय जना चिकित्सकको पदपुर्तिका लागि मन्त्रीपरिषदबाट सौद्वान्तिक स्विकृति लिइसकेको बताएका हुन । उनले भने, ‘एकै पटक ५ सय जना चिकित्सकको माग गर्न लोक सेवाका लागि मन्त्री परिषद्बाट सैद्वान्तिक स्विकृति लिइसकेका छौ । छिट्टै लोक सेवा आयोगले माग गर्छ । ’ उनले २२ हजार मासिक तलवमा नर्सले र ४८ हजार मासिकमा चिकित्सकले काम गर्नु परिरहेको अवस्थालाई समेत मध्यनजर गरेर सेवा सुविधा बढाउने गरि काम अगाडि बढाएको पनि बताए । कार्यक्रममा ५ जना वरिष्ठ चिकित्सकहरुलाई सम्मान समेत गरिएको थियो ।