डेन्टल एशोसिएसनमा डा.अधिकारी

हेल्थ टुडे,

काठमाडौँ, ३१ भदौ  : देश भरिका दन्त चिकित्सकहरुको छाता संगठन नेपाल डेन्टल एशोसिएशन (एनडिए) को अध्यक्षमा दन्तरोग विशेषज्ञ डा. प्रविन्द्र अधिकारी बिजयी भएका छन् । शनिबार राती भएको मत गणनामा अधिकारी आफ्ना दुई प्रतिस्पर्धीलाई पछि पार्दै अध्यक्षमा बिजयी भएका हुन । उनले ३८९ मत पाएका छन् । त्यसैगरि अध्यक्षका अर्का प्रतिस्पर्धी डा. शुभित मास्केले ३३१ र डा. सेन्चेमा लिम्बूले १६८ मत पाएका छन । डा.अधिकारी जनरल प्राक्टिसनर हुन् । उनीले जाउलाखेलमा ३२ स्माइल क्लिनिक खोलेका छन् । एशोसिएसनको उपाध्यक्षमा डा. आशिष भट्टराई र महासचिवमा डा. कुम्भराज जोशी निर्वाचित भएका छन् । दुबै जना निर्विरोध निर्वाचित भएका हुन ।

त्यसै गरि कोषाध्यक्षमा ४७५ मत ल्याएर डा. अजय शाह बिजयी भएका छन भने सहसचिवमा डा. जोह गुरुङ ४७८ मतका साथ बिजयी भएका छन् । सदस्यहरुमा ६९० मत ल्याएर डा. सन्तोष अधिकारी, ५९६ मत ल्याएर डा. स्वेता सिह, ५३३ मतका साथ डा. सूर्यनारायण पुन र ४२२ मत ल्याएर डा. कृष्णप्रसाद रेग्मी बिजयी भएका छन् ।