हेल्थ टुडे,
काठमाडौ,९ जेठः नेपाली कांग्रेसका सभापति शेरवहादुर देउवा फलोअप स्वास्थ्य जाँचका लागि बुधबार सिंगापुर प्रस्थान गरेका छन् । बुधबार साँझ ८ बजे ५ दिनका लागि श्रीमती आरजु राणा देउवासहित सभापति देउवा सिंगापुर गएका हुन् ।
देउवाले सिंगापुरस्थित माउण्ट एलिजावेथ अस्पतालमा आफ्नो पेटको समस्याको नियमितिस्वास्थ्य जाँच गर्ने कांग्रेस पार्टी मुख्यालयले जनाएको छ । फ्लोअपका लागि ६ महिना पहिला जान पर्ने भएपनि व्यस्तताको कारण जान पाएका थिएनन् । देउवा पेट दुख्ने तथा अपच हुने समस्या भएपछि सिंगापुर गएका हुन् ।
उनले त्यही अस्पतालमा तीन वर्षअघि पेटको उपचार गराएका थिए । एक–एक वर्षमा सोही अस्पतालका चिकित्सकसँग नियमित चेकजाँच गर्नुपर्ने भएपनि समय नमिल्दा दुई वर्षदेखि देउवा उपचारको लागि सिंगापुर जान सकेका थिएनन् । स्वास्थ्योपचार गरेर सभापति देउवा जेठ १३ गते स्वदेश फर्किनेछन् ।
Leave a Reply