बिश्व दन्त सम्मेलनमा तीन जना नेपाली दन्त चिकित्सक

स्पेनको  मेड्रीटमा सम्पन्न भएको बिश्व दन्त सम्मेलनमा नेपाल डेन्टल  एसोसिएसनका महसचिब डा.मनोज हुमागाइँको नेतृत्वमा डा.सन्तोश अधिकारी  तथा डा. सुधिन शाक्यको टोली सहभागी भएको छ । बिश्वका झन्डै १८० देशका दन्त रोग विशेषज्ञहरु सहभागी रहेको उक्त सम्मेलनले अगामी बर्षको कार्ययोजन, नीति नियम तथा बजेट पारित गरेको छ ।

यस सम्मेलनमा गिजा रोगको रोकथाम तथा उपचारका बिषयमा गहन छलफल गरिएको छ । सम्मेलनबाट विश्व दन्त महासंघको  नयाँ कार्य समिति पनि चुनिएको छ । यस्तो  सम्मेलनमा नेपालको सहभागिता  उपयोगि रहेको सहभागी डा. हुमागाईले बताए ।