अमेरिकामा डा.पुकार सम्मानित

मानव अंग प्रत्यारोपण केन्द्र भक्तपुरका कार्यकारी निर्देशक एवं मिर्गौला प्रत्यारोपणविद् डा. पुकारचन्द्र श्रेष्ठ अमेरिकामा सम्मानित भएका छन् ।  अमेरिकाको डलास (टेक्सास) मा ‘डलास एभरेष्ट लायन्स क्लव’ ले नेपालमा मिर्गौला र कलेजो प्रत्यारोपणका क्षेत्रमा अतुलनिय योगदानको कदर गर्दै डा. श्रेष्ठलाई सम्मान गरिएको हो ।

लाइन्स क्लवका अध्यक्ष बिएन पन्तले नेपाली समुदायको वृहत उपस्थिति रहेको समारोहमा डा. श्रेष्ठलाई सम्मान गरिएको हो । क्लबले डा. पुकारसँग नेपालमा अंग प्रत्यारोपण र ब्रेन डेथको वर्तमान अवस्थाका बिषयमा छलफल समेत भएको थियो । अंगदान र ब्रेन डेथका बिषयमा कानून बने पनि जनचेतनाको अभावमा व्यवहारमा कार्यन्वयन हुन कठिन भइरहेको डा. श्रेष्ठले जानकारी दिए । एभरेष्ट क्लब सन् २००३ मा अमेरिकामा स्थापना भएको समाजिक र मानवतावादी संस्था हो । अमेरिकामा स्थापना भएको यो पहिलो नेपाली संस्था हो ।