ललितपुर,२५ कार्तिकः ललितपुरको सानेपामा रहेको स्टार हस्पिटलले शनिबार मधुमेह र यसबाट हुने जोखिमका बिषयमा सरोकारवालासँग वृहत अन्तरक्रिया गरेको छ । विश्व मधुमेह दिवसको अवसरमा नेपाल भिटोरो रेटिना सोसाइटीको सहकार्यमा अस्पतालले कार्यक्रम आयोजना गरेको हो । कार्यक्रममा वरिष्ठ चिकित्सक डा.अजय प्रधानले मधुमेहको जोखिम बढ्दै गइरहेको भए पनि यसबाट बच्न सकिने उपायहरुका बिषयमा प्रकाश पारेका थिए ।
करिव तिनसय ५० सहभागी अन्तरक्रियामा , स्टार हस्पिटलका अध्यक्ष वसन्तचन्द्र मरहट्टाले स्टार अस्पतालले विरामीहरुको आवश्यकता अनुसार सेवा विस्तार गरिरहेको जानकारी दिए । कार्यक्रमका प्रमुख अतिथि युवा तथा खेलकुद मन्त्री राजेन्द्र केसीले अस्पतालले गुणस्तरीय सेवा र सुविधामा ध्यान दिनु पर्ने बताए । हस्पिटलका सिओओ डा. सन्देश जिसीले अस्पतालले उपचारका साथै जनचेतना जगाउने कामलाई उत्तिकै प्राथमिकता दिएर अगाडि बढी रहेको बताए । कार्यक्रममा सहभागीहरुलाई निशुल्क सुगर जाँच र आँखा जाँचको व्यवस्था गरिएको थियो ।
Leave a Reply