हेल्थ टुडे
काठमाडौं : स्वास्थ्य सेवा विभाग व्यवस्थापन महासाखामा कार्यरत जनस्वास्थ्य निरीक्षक दीपकराज भट्टलाई दक्षिण कोरियाको ह्याङयाङ विश्वविद्यालयले आउटस्टेन्डिङ पर्फमेन्स अवार्ड प्रदान गरेको छ । छात्रवृतिमा अध्ययनकालागि दक्षिण कोरिया गएका १५ देशका विद्यार्थीहरुमध्ये उत्कृष्ठ क्षमता प्रदर्शन गरेपछि उनलाई उक्त अवार्ड प्रदान गरिएको हो । भट्ट ‘कोइका ’ ले प्रदान गरेको छात्रवृतिमा ग्लोबल हेल्थ एण्ड डेभलपमेन्ट बिषय अध्ययनका लागि दक्षिण कोरिया गएका हुन् । उनी हालै अध्ययन सकेर स्वदेश फर्केका छन् ।
विकासशिल देशहरुले राष्ट्रिय स्वास्थ्य नीति बनाउदा र कार्यन्वयन गर्दा आउने चुनौति तथा ती चुनौतिको सामना गर्दा अपनाउनु पर्ने कार्यकुशलताका बिषयमा धेरै कुरा सिक्न पाएकोले अध्ययन फलदायी भएको भट्टले बताए । उनले भने, ‘त्यहा सिकेका कुरा हाम्रो देशको स्वास्थ्य नीति निर्माण र कार्यन्वयनमा थोरै भए पनि योगदान गर्न सके पढेको कुराको सार्थकता हुने थियो । ’
Leave a Reply