चिकित्सा शिक्षा अध्यादेश ‘२०७४’ आज संसदमा पेश

हेल्थ टुडे,

काठमाडौँ ,१६ चैत्र : शेरबहादुर देउवा नेतृत्वको सरकारले गत कात्तिक ६ गते जारी चिकित्सा शिक्षा अध्यादेश राष्ट्रपतिले कात्तिक २४ गते त्यसलाई प्रमाणीकरण गरेकी थिइन्। राष्ट्रपतिबाट प्रमाणीकरण भइ जारी भएको अध्यादेश संघीय संसदको अधिवेशन प्रारम्भ भएको ६० दिनभित्र स्वीकार नगरे खारेज हुने व्यवस्था छ । अघिल्लो सरकारले ल्याएको अध्यादेश नयाँ सरकारले पारित गराउन लागेको हो। राष्ट्रिय चिकित्सा शिक्षा अध्यादेश २०७४ आज संसदमा पेश भएको छ। प्रतिनिधिसभाको आज बसेको बैठकमा शिक्षा, विज्ञान तथा प्रविधि मन्त्री गिरिराजमणि पोखरेलले सो अध्यादेश पेश गरेका हुन् ।