औलो निदानमा लागि किटनाशक औषधी

हेल्थ टुडे,

काँकडभिट्टा, १३ वैशाखः झापा जिल्ला जनस्वास्थ्य कार्यालयले आफ्नो ११ औँ औलो दिवसको अवसर पारेर बुधबार भद्रपुरमा आयोजना गरिएको कार्यक्रममा औलोको सङ्व्रmमण घटेको जनाएको छ ।
तीन वर्षअघि जिल्लामा ४२ जना औलोका रोगी रहेका थिए । तर, सो सङ्ख्या घटेर अघिल्लो आर्थिक वर्षमा २२ जनामा झरेको छ । यसै आर्थिक वर्षको वैशाख सम्ममा सो सङ्ख्या अझ घटेर ४ जनामात्र औलोका बिरामी रहेको पाइएको औलो रोग नियन्त्रण शाखाका भेक्टर कन्ट्रोलर जीवन चौलागाँईले सो जानकारी गराउनुभएको हो ।
झापाका प्रभावित स्थानीय तहका वडामा क्रमशः ९० देखि ७० प्रतिसतसम्मले कमी ल्याउँदै जाने योजना रहेको जन स्वास्थ्यका भेक्टर कन्ट्रोलर वेद प्रकाश घिमिरेले बताउनुहुन्छ ।
बाहुनडाँगी, काँकडभिट्टा, पृथ्वीनगर र जलथल क्षेत्रका केही ठाउँहरुमा औलो सङ्क्रमित बिरामी पाइएको र रोगको निदान गर्नका लागि जनस्वास्थ्य कार्यालयले किटनाशक औषधि छर्ने काम गरिरहेको समेत चौलागाँईले जानकारी दिनुभयो ।
जनस्वास्थ्य अधिकृत मधुसुदन कोइरालाले औलो प्रभावित क्षेत्रका गर्भवती महिलालाई कार्यालयले यसै आर्थिक वर्ष्भित्रमा सात सय किटनाशक झुल वितरण गरिसकेको बताउनुभयो । उहाँले खुला सिमानाका कारण भारतका विभिन्न क्षेत्रबाट आउने बिरामीका कारण पनि सङ्व्रmमण फैलिएको बताउँदै औलो उन्मूलन गर्न अझै केही समय लाग्ने बताउनुभयो । उहाँले औलोको सङ्क्रमण नियन्त्रणका लागि आफूहरुसँग पर्याप्त बजेट नभएको पनि बताउनुभयो ।
विसं २०२६ सम्ममा नेपाललाई औलोमुक्त बनाउने सरकारको योजना अनुसार जिल्ला जनस्वास्थ्य कार्यालय निरन्तर लागिरहेकोे सरोकारवालाहरु बताउनुहुन्छ ।