राज्यले अपहरण शैलीमा काठमाडौं लैजान लागेको आरोप

हेल्थ टुडे,
जुम्ला, ३ साउनः २० दिनदेखि अनशनमा रहेका प्राध्यापक डा गोविन्द केसी काठमाडौं जान तयार भए पनि सम्भावना भने कम हुँदै गएको छ । डा केसीको समर्थनमा टाढाटाढाबाट कर्णाली अस्पतालमा उर्लिएका स्थानीयले डा केसीलाई काठमाडौं लैजान नदिने बताएका छन् ।
डा केसीको माग पूरा गर्नुभन्दा दमनमा उत्रिएर सरकारले गलत काम गरिरहेको उपस्थित समर्थकहरु ब्ताउछन । अस्पताल क्षेत्रमा झडप भइरहँदा स्थानीयको पनि बाक्लो उपस्थिति देखिन्थ्यो ।

उता डा केसीले आफु काठमाडौं जान तयार रहे पनि तर सरकारको हेलिकप्टरमा नर्फकने बताउनुभएको छ । उहाँले सरकारको हेलिकप्टरमा नफर्किने अडान लिनुभएको हो । राज्यले आफूलाई अपहरण शैलीमा काठमाडौं लैजान लागेकोले सरकारको हेलकप्टरमा नजाने डा केसी बताउनुहुन्छ ।
सरकारी पक्ष स्थानीय माझ घुसपैठ भएर अस्पताल तोडफोड र आगो लगाउने क्रियाक्लापसम्म गरेर भएपनि डा केसीलाई ल्याउने तयारीमा रहेको सूचना पाएको भन्नुहुदै उहाँले कर्णाली अञ्चलका बासिन्दाको भरोषा अस्पतालमा क्षति हुन नदिने भन्दै आफु काठमाडौं आउन भने तयार भएको बताउनुभयो ।
‘राज्य मेरो स्वास्थ्यप्रति संवेदनशील भएको हो भने मेरो माग पूरा गरोस् । म अनसन तोड्छु, तर जबर्जस्ति गर्न पाइदैन ।’ भन्दै माग पूरा नभएसम्म जहाँ पुगेपनि अनसन जारी रहने जानकारी दिनुभएको छ ।
सरकारले आजै मात्र केसीलाई काठमाडौं ल्याउने भन्दै सेनाको हेलिकप्टर पठाएको थियो । प्रहरीले उनी अनसन बसेको कर्णाली स्वास्थ्य विज्ञान प्रतिस्ठानमा हस्तक्षेप गरेर समर्थकहरुलाई घाइते बनाएपछि केसीले आफू काठमाडौं आउन तयार भएको बताउनुभएको हो ।