एप्पोन कप फुटवलको उपाधि एप्पल फर्मास्विटिकल्सलाई

हेल्थ टुडे,

काठमाडौं : नेपाल औषधि उत्पादक संघ ( एप्पोन ) ले आयोजना गरेको चौथो एप्पोन कप फुटवल प्रतियोगितामा एप्पल इन्टरनेशनल फर्मास्विटिकल्सले उपाधि जितेको छ । १६ वटा स्वदेशी औषधि कम्पनीले भाग लिएको उक्त प्रतियोगितामा एशियन फर्मास्विटिकल्सले दोश्रो स्थान हासिल गरेको छ भने क्यूरेक्स फर्मास्विटिकल्स तेश्रो भएको छ । उक्त प्रतियोगितामा एप्पलका प्रशान्त थापा उत्कृष्ठ खेलाडी भएका छन् भने एशियनका उमेश खनाल बेष्ट गोलकिपर र क्यूरेक्सका अजय तामाङले सबैभन्दा बढी गोल गर्ने खेलाडी भएका छन् । राजधानीको बालुवाटारस्थित फुटसलमा यही भदौ ७ र ८ गते प्रतियोगिता सम्पन्न भएको थियो ।

बिजयी खेलाडीहरुलाई अवार्ड सहित पुरस्कार बितरण गरिएको आयोजक एप्पोनका खेलकुद संयोजक सरद ओझाले जानकारी दिए । औषधि उत्पादक कम्पनीहरुबिच खेलको माध्यमबाट भाईचारा सम्बन्ध स्थापित गर्न प्रतियोगिता आयोजना गरिएको ओझाले बताए ।