कुखुरामा रानीखेत रोगको प्रकोप

हेल्थ टुडे,
पाल्पा,१३ चैतः पाल्पा जिल्लाको निस्दी गाउँपालिका–६ अर्चलेको सिसिङ्गाका कुखुरामा रानीखेत रोग फैलिएको छ । गाउँमा पालिएका कुखुरा रानीखेत रोगले मर्न थालेका छन् । कुखुराको खोर रित्तिने गरी कुखुरा एकाएक मर्न थालेको कृषकहरुले बताएका छन् ।

कुखुरा झोक्राउन थालेपछि काटेर खाने र केही कुखुरा जथाभावी खुल्ला ठाउँमा फालेका कारण गाउँभरी नै रानीखेत रोगको संक्रमण फैलिएको पाल्पा जिल्ला पशु स्वास्थ्य प्राविधिक कार्यालयले जनाएको छ । कार्यालयले कुखुरामा रानीखेत विरुद्धको एन्टिवायोटिक नामक भ्याक्सिन दिने काम भईरहेको जनाएको छ ।

रानीखेत रोग लागेका कुखुरामा झोक्राउने, दानापानी नखाने, सिर रातो हुने, खुट्टामा रातो र निलो देखिने, हरियो रङ्गको दिशा गर्ने, अण्डा पार्न विस्तारै कम गर्दै जाने, ज्वरो आउने लगायतका लक्षण देखापर्दछ ।