हेल्थ टुडे,
अछाम,२७ चैतः कर्णाली स्वास्थ्य विज्ञान प्रतिष्ठानले बाजुरा र अछाममा निःशुल्क विशेषज्ञ स्वास्थ्य शिविर सञ्चालन गरेको छ । बाजुरा जिल्लाको जिल्ला अस्पतालमा २० गतेदेखि २४ गते सम्म सञ्चालन गरिएको शिविरमा २ हजार ५ सय ३४ जनाको स्वास्थ्य परिक्षण गरिएको थियो ।
उक्त शिविरमा ५० वटा शल्यक्रिया सम्पन्न गरेको छ । साथै एक्सरे १ सय ४६, ल्याबको सेवा २ सय ११ र भिडियो एक्सरे २ सय ४२ वटा गरिएको छ। शिविरको दन्त सेवा अन्र्तगत १ सय २३ जनाको दाँत उखेलेर उपचार गर्नुका साथै ८० जनामा फ्लोराइड लगाइएको छ ।
उक्त टोलीले अछाम जिल्लाको विनायकमा पनि १६ गतेदेखि १८ गतेसम्म तीन दिने शिविर सञ्चालन गरेको छ । उक्त शिविरमा १ हजार ८ सय ६३ जनाको स्वास्थ्य परीक्षण गरिएको छ भने ५४ वटा शल्यक्रिया गरिएको छ। त्यसैगरी भिडियो एक्सरे ९१ वटा, दाँत उखेलेको १ सय ५ र ५० जनामा दाँतमा फ्लोराइड लगाएको छ।
शिविरमा हाड जोर्नी तथा नसारोग, बाल रोग, स्त्री रोग, मेडिसिन तथा सर्जरी, मनोचिकित्सा, दन्त सेवा, फिजियोथेरापी, एक्सरे, भिडियो–एक्सरे, ल्याबसेवा दिइएको थियो।
Leave a Reply