हेल्थ टुडे,
एजेन्सी,चैत । व्यस्त दैनिकीका कारण तनाव प्रायः सबैलाई हुने गरेको छ । पछिल्लो समय मानव स्वास्थ्यका लागि तनाव गम्भीर चुनौतीको रुपमा देखा परेको छ । तनावकै कारण मानिसमा मानोसामाजिकदेखि शारीरिकसम्मका स्वास्थ्य समस्या देखिने गरेका छन् । तनावकै कारण काममा मन नलाग्ने,सम्बन्धमा दरार पर्ने समस्या बढ्दो छ ।
तनाव व्यवस्थापन गर्न नसक्नेहरुमा टाउको दुख्ने, पेट दुख्ने, निन्द्रामा समस्या आउने वा सुत्न समस्या हुने, आलस्य हुने, विभिन्न रोगको संक्रमण बढ्ने, डिप्रेशनको समस्या देखिने हुन्छ । तनाव लिएर बस्नु भन्दा यसलाई व्यवस्थापन गर्न सकेमा अधिकांश समस्या समाधान भएर जाने मनोवैज्ञानिकहरुको सुझाव छ । घरपरिवार, अन्तरसम्बन्ध, कार्यस्थल तथा अरु क्षेत्रमा हुने तनाव व्यवस्थापन गर्न सकिन्छ ।
मनोपरामर्शदाताहरुले तनावलाई व्यवस्थापन अर्थात कम गर्न निम्न उपाय अबलम्बन गर्न सुझाव दिएका छन् ।
१.सक्दो सकारात्मक सोच राख्ने प्रयास गर्ने
२.आक्रोशको साटो आत्मविश्वास बढाउने प्रयास गर्ने
३. केही चिज वा घटनाहरु आफ्नो नियन्त्रणमा नरहेको कुरा स्वीकार गर्ने
४. कुनै घटना वा अवस्थाबाट भाग्ने, डराउने वा निष्क्रिय बस्ने बानी कम गर्ने
५. सन्तुलित खाना खाने, समय व्यवस्थापनबारे सजग रहने
६.आफ्नो भावना, विचार तथा मान्यताहरु जाहेर गर्न
७.नियमित व्यायाम गर्ने
८.मेडिटेशन, व्यायामसहितका रिल्याक्ससेसन टेक्निक्सहरु जान्ने
९. तनाव कम गर्नका लागि रक्सी, ड्रग्स वा बाध्यकारी बन्दै गएका बानीहरु छोड्ने
१०.आफूलाई मन पर्ने कुरालाई हबीको रुपमा विकास गर्ने
११.पर्याप्त आराम गर्ने र सुत्ने समय व्यवस्थापन गर्ने
१२.आफ्नो सीमा तय गर्ने र गर्न नसक्ने वा बढी तनाव दिने कामका लागि‘नो’ भन्ने बानीको विकास गर्ने
१३.आवश्यक परेको अवस्थामा समाजिक सहयोगको खोजी गर्ने
१४.आवश्यक परेमा मनोविमर्शकर्ता, मानसिक स्वास्थ्य कार्यकर्ता वा तनाव व्यवस्थापन गर्न सिकाउनेहरुसँग सम्पर्क गर्ने गर्नु पर्छ ।
१५.आफूलाई मन पर्ने साथीभाइ तथा प्रियजनसँग समय बिताउने ।
Leave a Reply