हेल्थ टुडे,
काठमाडौ,१३ साउनः प्रतिनिधिसभा अन्र्तगतको उद्योग तथा वाणिज्य र श्रम तथा उपभोक्ता हित समितिले काठमाडौको कालिमाटीमा रहेको केन्द्रीय विषादी परीक्षण केन्द्र र बबरमहलमा रहेको खाद्य परीक्षण केन्द्रको अनुगमन गर्ने भएको छ । समिति सांसद मुकुन्द न्यौपानेलाई अनुगमन टोलीको संयोजक तोकेको हो ।
अनुगमन टोलीको प्रतिवेदन आएपछि सम्बन्धित मन्त्री र सचिवलाई बोलाएर छलफल गरी सरकारलाई आवश्यक निर्देशन दिने समितिले जानकारी दिएको छ । काठमाडौं उपत्यकाको कालीमाटीबाहेक मुलुकका प्रमुख नाका र स्थानमा विषादी परीक्षणका लागि आवश्यक प्रविधि तथा उपकरण नभएकाले आयातित खाद्य सामाग्रीमा विषादी परीक्षण गर्ने आफ्नै निर्णयबाट सरकारपछि हटेको थियो ।
तर, सर्वोच्च अदालतले पनि विषादी परीक्षण गर्ने निर्णयलाई यथावत राख्दै विषादी हेरेर मात्रै ल्याउन आदेश गरेपछि पुनः परीक्षणको काम सुरु गर्न थालिएको छ । बजारमा आउने तरकारी,फलफुल तथा खाद्यान्नमा रहेको विषादी जनस्वास्थ्यमा गम्भिर असर परिरहेको भन्दै सरोकारवालाहरुले चिन्ता व्यक्त गरिरहेका छन् ।
Leave a Reply