हेल्थ टुडे,
काठमाडौ,२ भदौ । स्वास्थ्य तथा जनसंख्या मन्त्रालयअन्तर्गतका २७ हजार ४ सय १७ जना कर्मचारीहरुमध्ये अहिलेसम्म ७ हजार कर्मचारीले मात्र समायोजनको पत्र बुझेका छन् । यसअनुसार अझै २० हजार कर्मचारीले अझै समायोजनपत्र बुझ्न बाँकी छ । त्यसैले स्वास्थ्यकर्मीको समायोजनले पूर्णता पाउन अझै निकै समय लाग्ने देखिन्छ ।
समायोजनमा चित्त नबुझेको भन्दै सात हजारभन्दा बढी कर्मचारीले गुनासो फारम भरेका छन् । आफूलाई पायक पर्ने ठाउँमा जान पाउनुपर्ने ती कर्मचारीको माग छ । ती गुनासोका सुनुवाइ हुन बाँकी रहेको मन्त्रालयले जनाएको छ । गुनासो भर्नेको समायोजन पनि बाँकी छ । मन्त्रालयका अनुसार चौथो, पाँचौँ र छैटौँ तहका स्वास्थ्यकर्मीको समायोजन रोकिएको छ ।
मन्त्रालयअन्तर्गत अनमि र अहेव मात्रै २१ हजार छन् । गुनासो भर्नेमध्ये धेरैजसो अनमि र अहेव छन् । उनीहरूको समायोजन रोकिएकाले अन्य १३ हजार कर्मचारीले समेत पत्र पाउन सकेका छैनन् ।
Leave a Reply