छ वटा स्वास्थ्य विज्ञान प्रतिष्ठानमा नयाँ उपकुलपति नियुक्त, न्याम्समा डा. विवेक

हेल्थ टुडे,
काठमाडौँ, २५ असार : सरकारले रिक्त छ वटा स्वास्थ्य विज्ञान प्रतिष्ठानमा नयाँ उपकुलपति नियुक्त गरेको छ । प्रधानमन्त्री एवं प्रतिष्ठानका उपकुलपति बालेन्द्र शाहले आज छ वटा प्रतिष्ठानमा उपकुलपति नियुक्त गर्ने निर्णय गरेका हुन् ।

स्रोतका अनुसार चिकित्सा विज्ञान राष्ट्रिय प्रतिष्ठान (न्याम्स)मा डा विवेक आचार्य नियुक्त भएका छन् । यस्तै पाटन स्वास्थ्य विज्ञान प्रतिष्ठानमा डा नविसमानसिंह प्रधान उपकुलपति पदमा नियुक्त भएका छन् । उता राप्ती स्वास्थ्य विज्ञान प्रतिष्ठानमा डा अजयकुमार मिश्र उपकुलपति पदमा नियुक्त भएका छन् ।

यता पोखरा स्वास्थ्य विज्ञान प्रतिष्ठानमा डा नारायणसिंह गुरुङ उपकुलपति पदमा नियुक्त भएका छन् । उता धरानस्थित वीपी कोइराला स्वास्थ्य विज्ञान प्रतिष्ठानमा डा स्मृति कार्की उपकुलपति पदमा नियुक्त भएकी छन् भने कर्णाली स्वास्थ्य विज्ञान प्रतिष्ठानमा डा सूर्यमान म्याहाङम्बो उपकुलपति पदमा नियुक्त भएका छन् । स्वास्थ्य तथा खाद्य स्वच्छता मन्त्रालयले विभिन्न ६ वटा स्वास्थ्य विज्ञान प्रतिष्ठानमा उपकुलपति पदका लागि आवेदन माग गर्दा सुरुमा ११३ जनाले आवेदन दिएका थिए । ती मध्ये ८६ जनाको नाम सक्षिप्त सूचीमा प्रकाशित गरेको थियो ।