चिकित्सक संघलाई ज्याकेट हस्तान्तरण

हेल्थ टुडे,
काठमाडौं, १५ बैसाख: कोरोना भाइरसको संक्रमणको बेला अग्रमोर्चामा खटिएका चिकित्सक चिन्न सजिलो होस भन्ने अभिप्रायले नेपाल औषधि उत्पादक संघले नेपाल चिकित्सक संघलाई छुट्टै पहिचानयुक्त ज्याकेट हस्तान्तरण गरेको छ । चिकित्सकहरुले मात्र प्रयोग गर्न मिल्ने र सजिलै चिन्न सकिने गरि बनाइएका उक्त पातलो ज्याकेट सोमबार नेपाल औषधि उत्पादक संघका पदाधिकारीले नेपाल चिकित्सक संघका पदाधिकारीलाई हस्तान्तरण गरेका हुन । उक्त अबसरमा नेपाल उत्पादक संघका तर्फबाट वरिष्ठ उपसभापती महेश प्रधान, उपाध्यक्ष सन्तोश बराल र महासचिब बिप्लब अधिकारीले उक्त ज्याकेट हस्तान्तरण गरेका थिए । नेपाल चिकित्सक संघको तर्फबाट अध्यक्ष डा.लोचन कार्की, महासचिव डा.बद्री रिजाल, कोषाध्यक्ष डा. प्रकाश बुढाथोकी लगायतको उपस्थिति थियो ।
चिकित्सकहरुको लागि मात्र प्रयोग गर्ने र चिकित्सकहरुलाई सबैले सजिलै चिन्न सकिने गरि बनाइएकोले यी ज्याकेटको प्रयोगले चिकित्सकहरुको पहिचान र सुरक्षामा थोरै भएपनि सहयोग पुग्ने नेपाल औषधि उत्पादक संघका महासचिब विप्लव अधिकारिले बताए । नेपाल औषधि उत्पादक संघका बरिष्ठ उपाध्यक्ष प्रधानले औषधिको अभाव हुन नदिन आफूहरु अहोरात्र खटिरहेको जानकारी दिए । नेपाल चिकित्सक संघका अध्यक्ष डा.लोचन कार्कीले नेपाल चिकित्सक संघ सधै सबै चिकित्सकहरुको सुरक्षा र पहिचानको लागि लडिरहेको जानकारी गराउदै औषधि उत्पादक संघको सहयोगका लागि धन्यवाद व्यक्त गरे । प्राप्त ज्याकेटहरु सकेसम्म चाडो देश भरिका चिकित्सकहरुमाझ पुर्याउने उनले बताए । बिगत केही दिन अगाडि चिकित्सकहरु माथी पहिचान नभएको कारणले भएको विभिन्न दुव्र्यवहारका घटना नदोहोरिउन भन्ने अभिप्रायले चिकित्सकहरुको सम्मान र पहिचानका लागि उक्त ज्याकेटहरु उपलब्ध गराएको औषधि उत्पादक संघले जनाएको छ ।