निको हुने दर र संक्रमित हुने संख्या लगभग बराबरी

हेल्थ टुडे,

काठमाडौं, ७ जेठ : पछिल्ला केहि दिन यता नेपालमा कोरोना संक्रमित हुनेको संख्या र निको हुनेको संख्या लगभग हाराहारी हुन थालेको छ । बिगत २४ घण्टामा ८ हजार ४०७ जनामा कोरोना संक्रमण देखिएको छ भने ७ हजार ८९० जना संक्रमणमुक्त भएका छन् ।

स्वास्थ्य तथा जनसंख्या मन्त्रालयका अनुसार पछिल्ला दिनमा संक्रमणमुक्त हुनेको संख्या बढ्दै गइरहेको छ । तर आशा गरे अनुसार संक्रमण हुनेको संख्या भने घट्न नसकेको मन्त्रालयका अधिकारीको भनाई छ । मन्त्रालायका सहप्रवक्ता डा. समिर अधिकारीले निको हुनेको संख्या बढ्दै गए पनि संक्रमण हुनेको संख्या घट्न नसकेको बताए ।

पछिल्लो २४ घण्टामा कोरोना संक्रमणकै कारण १७७ जनाले ज्यान गुमाएका छन । गएको दिन यो संख्या १९० थियो भने सबैभन्दा बढी २४५ सम्म पुगेको थियो । अहिले देशभरि सक्रिय संक्रमितको संख्या १ लाख १६ हजार १९२ रहेको स्वास्थ्य मन्त्रालयले जनाएको छ ।