देउवा सरकारको अंगदानमा ऐतिहासिक निर्णय : प्रधानमन्त्रीसहित सबै मन्त्रीले अंग दान गर्ने

पदमराज जोशी,

काठमाडौं, २६ फागुन : प्रधानमन्त्री शेर बहादुर देउवासहित सरकारमा सहभागी सबै मन्त्रीले अंग दान गर्ने भएका छन् । बिहीबार बसेको मन्त्रिपरिषद् बैठकले मिर्गौला दिवसको अवसरमा सबै मन्त्रीले अंग दान गर्ने निर्णय गरेको स्वास्थ्य तथा जनसंख्या मन्त्री बिरोध खतिवडाले जानकारी दिए ।

बिहीबार नै बसेको मन्त्रिपरिषद् बैठकले सरकारले ज्येष्ठ नागरिक अस्पताल बनाउनका लागि सैशान्तिक सहमति दिने निर्णय पनि गरेको छ । बैठकले ५० वर्ष माथिका नागरिकलाई वर्षमा एकपटक निःशुल्क स्वास्थ्य परीक्षण गर्ने व्यवस्था मिलाउने पनि निर्णय भएको स्वास्थ्य मन्त्री विरोध खतिवडाले जानकारी दिए ।

शहिद धर्मभक्त राष्ट्रिय प्रत्यारोपण केन्द्र, भक्तपुरका कार्यकारी निर्देशक डा. पुकारचन्द्र श्रेष्ठका अनुसार अहिलेसम्म २५ सय जनाले आफ्नो मृत्यु पश्चात अंग दान गरेको घोषणा गरेर नाम लेखाएका छन् ।

अंग दान गर्नेमा पुरुषको तुलनामा महिलाको संख्या अत्यधिक रहेको तर दान गरेको अंग प्रत्यारोपण गराउनेमा महिलाको तुलनामा पुरुषको संख्या धेरै रहेको डा. श्रेष्ठ बताउछन् । मानिसले गर्ने गर्ने दानहरुमध्ये सबैभन्दा उत्तम दान भनेको अंग दान भएको विज्ञहरु बताउछन् । किनकी अंग दानले अर्को व्यक्तिको जिवन बाच्ने गर्छ । त्यसैले अंगदान वा ब्रेन डेथ भएका व्यक्तिको अंगदानले थुप्रै व्यक्तिले जिवन पाउने हुनाले यसको संख्या बढाउनु अहिलेको आवश्यकता हो ।