कोटेश्वर क्याम्पसमा जलवायु परिवर्तन तथा लैंगिकता सम्बन्धि कार्यशाला सम्पन्न

हेल्थ टुडे,
काठमाडौं, २७ चैत : कोटेश्वर बहुमुखी क्याम्पसमा बुधबार जलवायु परिवर्तन तथा लैंगिकता सम्बन्धि कार्यशाला सम्पन्न भएको छ । कोटेश्वर क्याम्पस र युथ एडभोकेसी नेपालको संयुक्त आयोजना तथा आर.एम.सी. र मानविकी अनुसन्धान समितिको सहकार्यमा आयोजना गरिएको कार्यशालामा क्याम्पसका प्राध्यापक र विद्यार्थी गरि ७० जना भन्दा बढीको सहभागिता रहेको थियो ।
कार्यक्रमको उदघाटन सत्रमा बोल्दै कोटेश्वर बहुमुखी क्याम्पसका क्याम्पस प्रमुख डा.प्रकाश पोखरेलले जलवायु परिवर्तनको असर समाजका हरेक पक्षमा परिरहेको वर्तमान अवस्थामा यसका विषयमा केन्द्रित रहेर छलफल गर्नु र यसको असरबाट बच्ने उपाय खोज्नु समय सान्दर्भिक पहल भएको बताए । क्याम्पस प्रमुख डा. पोखरेलले यस किसिमका कार्यशालाबाट विद्यार्थी र शिक्षक दबै पक्ष लाभान्वित हुने भएकाले समय सान्दिर्भिक कार्यशाला आयोजना गर्न क्याम्पससँग सहकार्य गरेकोमा युथ एडभोकेसी नेपाललाई धन्यवाद दिए । युथ एडभोकेसी नेपालका अध्यक्ष गणेश धामीले वातावरण संरक्षणमा शिक्षक र विद्यार्थी दुबैका उत्तिकै भूमिका हुने भएकाले जलवायु परिवर्तनका विषयमा सहभागीहरुलाई जानकारी दिन र उहाँहरुको अनुभव आदान प्रदान गर्ने उद्देश्यले कार्यशाला आयोजना गरिएको बताए ।
कोटेश्वर क्याम्पस आर.एम.सी. विभाग प्रमुख सेदुनाथ ढकालले जलवायु परिवर्तनका कारण मानिसहरुको जिवनशैली नै परिवर्तन भइरहेको अवस्थामा यसका विषयमा सरकोकारवालाले छलफल गरेर यसको प्रभावबाट बाच्ने उपाय खोज्नु पर्ने बेला आइसकेको बताए । स्वतन्त्र विद्यार्थी युनियनका सभापति सञ्जय बुढाथोकीले विकशित देशहरुको असावधानिकाका कारण नेपाल जस्ता अल्यविकसित देशहरु जलवायु प्रदुशणको जोखिममा परेको दावी गरे । कार्यशालामा कोटेश्वर क्याम्पस स्नातक तह चौथो वर्ष (विएसडब्ल्यू) का विद्याथीहरु कञ्चन सापकोटा, सञ्जयप्रताप राणा लगायतले जलवायु परिवर्तनका विभिन्न आयाम र तिनले पारेको प्रभावका विषयमा प्रस्तुतिकरण गरेका थिए । युथ एडभोकेसी नेपालकी विपना विडारीले जलवायु परिवर्तन र लैंगिकता सम्बन्धि प्रस्तुतिकरण गरेकी थिइन । कार्यक्रमको संचालन मावविकी अनुसन्धान समितिका संयोजक विनोद अधिकारीले गरेका थिए ।
कार्यशालामा पुर्व क्याम्पस प्रमुख गोविन्द बहादुर कार्की, सहायक क्याम्पस प्रमुख नन्दी केशर नेपाल, मनोज अधिकारी सहित समाजशास्त्र, ग्रामिण विकास एवं पत्रकारिता विभाग प्रमुख कल्पना मरहट्ठा, शिक्षा विभाग प्रमुख विनोदकुमार कार्की, अर्थशास्त्र विभाग प्रमुख तुलसी कन्दड्वा, नेपाली विभाग प्रमुख केशव भट्टराई, अंग्रेजी विभाग प्रमुख सावित्री ढकाल र पब्लिक क्याम्पस प्राध्यापक संघका अध्यक्ष समेत रहेका व्यवस्थापन विभाग प्रमुख सुरेश पोखरेलको पनि उपस्थिति रहेको थियो । कार्यक्रममा जलवायु परिर्तन र यसको असरका विषयमा सहभागीहरुले आफ्ना अनुभव समेत सुनाएका थिए । कार्यक्रम निकै फलदायी रहेको सहभागीहरुले बताए । स्नातक तह तेश्रो वर्षमा अध्ययनरत विद्यार्थी अभिषेक अधिकारीले कार्यक्रमबाट जलवायु परिवर्तनका विभिन्न कोणका विषयमा जानकारी प्राप्त भएका्े बताए ।