नर्भिक हस्पिटलका अध्यक्ष बसन्त चौधरीले गरे कोरोना कोषलाई १ करोड दिने घोषणा

हेल्थ टुडे,
काठमाडौं, १० चैत : नर्भिक हस्पिटलका अध्यक्ष समेत रहेका उद्योगपति बसन्त चौधरीले सरकारले घोषणा गरेको कोरोना कोषमा १ करोड सहयोग गर्ने घोषणा गरेका छन् । चौधरीले सोमबार ट्विट गर्दै सरकारले स्थापना गरेको कोषमा नर्भिक तथा वसन्त चौधरी फाउन्डेसनको तर्फबाट १ करोड सहयोग गर्ने बताएका छन् ।
उनले भनेका छन् कोरोना भाइरसको संक्रमण नियन्त्रणका लागि घोषणा गरिएको “करोना कोष” मा नर्भिक र बसन्त चौधरी फाउन्डेसनको तर्फबाट सहयोग स्वरूप ५० लाख नगद तथा थप ५० लाख बराबरको जरुरी मेडिकल सप्लाइज उपलब्ध गराइने घोषणा गर्दछौं ।
कोरोनाविरुद्ध लड्न सरकारले आइतबार कोरोना कोष स्थापनाको घोषणा गर्दै सहयोग गर्न सबैमा आग्रह गरेको छ । संकटका बेला उद्योगव्यवसायीले सहयोगको हात अगाडि नबढाइएको समाजिक सञ्जालमा गुनासो आएका छन् ।