स्वास्थ्यकर्मी तथा स्वास्थ्य संस्थाको सुरक्षासम्बन्धि विधेयक २०७९ पारित

हेल्थ टुडे,
काठमाडौँ, २९ असार : प्रतिनिधि सभाले स्वास्थ्यकर्मी तथा स्वास्थ्य संस्थाको सुरक्षासम्बन्धि (पहिलो संसोधन)विधेयक २०७९ पारित भएको छ ।
बुधबार बसेको प्रतिनिधि सभा बैठकमा स्वास्थ्य मन्त्री भवानीप्रसाद खापुङले प्रस्तुत गरेको विधेयकको प्रस्ताव माथी सांसदहरु प्रेम सुवाल र गिरिराजमणि पोखरेलले विधेयक माथि संसोधन प्रस्ताव राखेका थिए । सो प्रस्ताव माथि अन्य सांसदहरुले दफावार छलफल गरेका थिए ।
छलफल सकिएपछि सभामुख अग्नीप्रसाद सापकोटाले निर्णयार्थ पेश गरेका थिए । सो क्रममा संसदबाट सो विधेयक सर्वसम्मतीबाट पारित भएको हो ।
संसोधन विधेयक पारित भएपछि यो ऐन बनेको छ ।
खासगरी स्वास्थ्यकर्मी माथि हुने हातपात तथा स्वास्थ्य संस्थामाथि हुने तोडफोडबाट जोगाउन यो संसोधन विधेयक ल्याइएको हो । विधेयक पारित भएपछि चिकित्सक तथा स्वास्थ्यकर्मीले त्यसको स्वागत गरेका छन । नेपाल चिकित्सक संघका अध्यक्ष डा. लोचन कार्कीले विधेयक पारित हुनु सबैका लागि खुशीको कुरा भएको बताएका छन ।