स्वास्थ्य बीमा बोर्डको अध्यक्षबाट डा. उप्रेतीको राजीनामा

हेल्थ टुडे,
काठमाडौं, २४ माघ : स्वास्थ्य बीमा बोर्डका अध्यक्ष डा. सेनेन्द्रराज उप्रेतीले पदबाट राजीनामा दिएका छन् । स्वास्थ्य विमा कार्यक्रमले उद्देश्य अनुसार गति लिन नसकिरहेका बेला पूर्व स्वास्थ्य सचिव समेत रहेका डा. उप्रेतीको राजिनामा आएको हो ।
उनले मंगलबार स्वास्थ्य मन्त्रालयमा पुगेर स्वास्थ्यमन्त्री पदम गिरी समक्ष राजीनामा बुझाएका हुन् । उनी २०७७ साउन २० गते स्वास्थ्य बीमा बोर्डको अध्यक्षमा नियुक्त भएका थिए ।
वोर्ड व्यवस्थापन गम्भीर नहुनु र स्वास्थ्य बीमा गति पनि लिन नसकेकोले आफुले पदबाट राजिनामा दिएको डा. उप्रेतीले प्रतिकृया दिएका छन ।

विसं २०७२ साल देखि सुृरु भएको स्वास्थ्य बीमा कार्यक्रम ७७ वटै जिल्लामा पुगे पनि झन् झन् सेवा फितलोको कारण असफलको बाटोमा जाँदै छ । सरकारले बर्षमा स्वास्थ्य विमा कार्यक्रमका लागि ८ अर्व रुपैया भन्दा बढी खर्च गर्दै आइरहेको छ ।
यो कार्यक्रम सुरु भएपछि २४ अर्ब खर्च भइसकेको छ ।