औषधि आयातकर्ता संघद्वारा बाढीपीडितलाई दश लाख

नेपाल औषधि आयातकर्ता संघले बाढी पीडितहरूलाई सहयोग स्वरुप दश लाख रुपैया सहयोग गर्ने निर्णय गरेको छ । संघको बैठकले उक्त रकम प्रधानमन्त्री राहत कोषमा तत्काल जम्मा गर्ने निर्णय गरेको महासचिव पवन आचार्यले जानकारी दिए ।

‘तराई र विभिन्न पहाडी जिल्लाहरूमा बाढी र पहिरोले हजारौ नेपाली पिडित भइरहेको बेला हामीले सक्दो सहयोग गरेका हौ’ महासचिव आचार्यले भने । संघले आफ्ना साखा कार्यालय र सदस्यहरुलाई पनि रातह र उद्दारमा सहयोग गर्न आव्हान गरेको छ । अविरल वर्षाका कारण तराईका अधिकांश जिल्ला र पहाडी केही जिल्लाहरूमा ६० भन्दा बढीको ज्यान गइसकेको छ भने सयौं घरबार बिहीन भएका छन ।