मिर्गौला प्रत्यारोपण सर्जन डा.दीपेश श्रेष्ठलाई उत्कृष्ठ कर्मचारी पुरस्कार

हेल्थ टुडे,
भक्तपुर, ११ बैसाख : शहीद धर्मभक्त राष्ट्रिय प्रत्यारोपण केन्द्रले यस वर्षको उत्कृष्ठ कर्मचारी सम्मान मिर्गौला प्रत्यारोपण सर्जन डा. दीपेश श्रेष्ठलाई प्रदान गरेको छ । केन्द्रले आफ्नो १२ औं स्थापना दिवसको अवसरमा मंगलबार आयोजना गरेको कार्यक्रममा सिनियर रजिष्ट्रार युरोलोजिष्ट डा. श्रेष्ठलाई वर्षको उत्कृष्ठ कर्मचारीका रुपमा सम्मानित गरेको हो । कार्यक्रममा भक्तपुर १ का सांसद प्रेम सुवाल, स्वास्थ्य तथा जनसंख्या मन्त्रालयका अतिरिक्त सचिव डा. दीपेन्द्ररमण सिंह र केन्द्रका कार्यकारी निर्देशक डा. पुकारचन्द्र श्रेष्ठ लगायतले डा. दीपेशलाई पुरस्कार सहित सम्मान गरेका थिए । डा.दीपेश बिगत १० वर्षदेखि मिर्गौला प्रत्यारोपण सर्जनका रुपमा कार्यरत छन् । मष्तिस्क मृत्यु भएका भएका विरामीको अंग निकालेर अर्को विरामीमा प्रत्यारोपण गर्नमा डा. दीपेशको उल्लेखनीय भूमिका रहेको छ ।