हेल्थ टुडे,
काठमाडौं,१ जेठ : कैलालीको गेटामा रहेको शहीद दशरथचन्द स्वास्थ्य विज्ञान विश्वविद्यालयमा ३०० बेडको अस्पताल यसै वर्षदेखि सञ्चालन गरिने भएको छ । सरकारको आगामी आर्थिक वर्ष २०८१÷८२ को नीति तथा कार्यक्रम प्रस्तुत गर्दै राष्ट्रपति रामचन्द्र पौडेलले मंगलबार संघीय संसदको संयुक्त बैठकमा उक्त कुरा पढेर सुनाएका हुन । सरकारले गेटामा निर्माण सम्पन्न भएको अस्पताललाई शहीद दशरथचन्द स्वास्थ्य विज्ञान विश्वविद्यालय बनाउने यस अगाडि नै निर्णय गरिसकेको छ । सरकारको नीति तथा कार्याक्रममा यसै वर्षदेखि मेडिकल कलेज सञ्चालन र प्राज्ञिक कार्यक्रम समेत सञ्चालन गर्ने उल्लेख गरिएको छ । यसैगरि उदयपुर, विराटनगर, पर्शा, चितवन लगायतका जिल्लामा मेडिकल कलेज खोल्ने तयारी पनि सरकारले गरेको छ । सरकारको नीति तथा कार्यक्रममा उल्लेख भए अनुसार पोखरा स्वास्थ्य विज्ञान प्रतिष्ठानमा यसै वर्षदेखि चिकित्साशास्त्र संकायको स्नातक तहको कक्षा सुरु गरिने छ ।
गेटाको दशरथचन्द मेडिकल विश्वविद्यालयमा ३०० बेडको अस्पताल यसै वर्ष सञ्चालन गरिने
![गेटाको दशरथचन्द मेडिकल विश्वविद्यालयमा ३०० बेडको अस्पताल यसै वर्ष सञ्चालन गरिने](https://healthtodaynepal.com/wp-content/uploads/2024/05/policy-programme-940x529.jpg)
Leave a Reply