डिसेम्बर २१ का दिन नेपाल सहित विश्वभरि ध्यान दिवस मनाइने

हेल्थ टुडे,
काठमाडौं, ३ पुस : संयुक्त राष्ट्रसंघको आयोजनामा यही डिसेम्बर २१ ( पुष ६) का दिन विश्व ध्यान दिवस मनाइने भएको छ । भारतीय ध्यान गुरु श्री रविशंकरको नेतृत्वमा विश्वका एक सय ८१ देशमा पहिलो पटक ध्यान दिवस मनाइने भएको छ । द आर्ट अफ लिभिङले नेपालमा पनि विभिन्न स्थानमा ध्यान सिविरको आयोजना गर्दै विश्व ध्यान दिवस मनाउने छ । द आर्ट अफ लिभिङले बुधबार राजधानीमा पत्रकार सम्मेलनको आयोजना गरि सो जानकार दिएको हो । द आर्ट अफ लिभिङका महासचिव प्रभुराज वैद्यले विश्व ध्यान दिवसको दिन ध्यान गुरु रविशंकरको ध्वनीबाट ध्यान गराइने जानकारी दिए ।
मानसिक शान्तिका लागि हरेक व्यक्तिलाई ध्यानको आवश्यक पर्ने बताउदै बैद्यले दिमाकलाई स्वच्छ बनाउन ध्यानलाई जिवनशैलीको अभिन्न अंग बनाउनु पर्नेमा जोड दिए । द आर्ट अफ लिभिङका अध्यक्ष सिद्वेश्वर कुमार सिंहले जिवनलाई उत्सवको रुपमा मनाउनु पर्ने रविशंकरको धारणालाई व्यवहारमा अपनाउन सके आरोग्य र शान्ति मिल्ने बताए । कन्ट्री काअर्डिनेटर देवकी शाह, द आर्ट अफ लिभिङका कोषाध्यक्ष रिता वैद्यलगायतले मानिसको जिवनमा ध्यानको महत्वका विषयमा प्रकाश पारेका थिए ।