‘निक साईमन्स अवार्ड–२०२४’ धादिङका जनस्वास्थ्य निरीक्षक रविन थापालाई

हेल्थ टुडे,
काठमाडौँ, ५ चैत : निक साईमन्स ईन्सिच्युट र स्वास्थ्य सेवा विभाग राष्ट्रिय स्वास्थ्य तालीम केन्द्रले हरेक वर्ष ग्रामिण क्षेत्रमा रहेर उत्कृष्ठ स्वास्थ्य सेपा प्रदान गर्ने स्वास्थ्यकर्मीलाई प्रदान गर्ने ‘निक साईमन्स अवार्ड – २०२४’ जनस्वास्थ्य निरीक्षक रविन थापालाई प्रदान गरिएको छ । मंगलबार राजधानीमा आयोजना गरिएको १३ औं ग्रामिण स्वास्थ्यकर्मी सम्मेलन उदघाटनका अवसरमा स्वास्थ्य तथा जनसंख्या मन्त्री प्रदीप पौडेलले उक्त अवार्ड प्रदान गरेका हुन । धादिङको ज्वालामुखी गाउँपालिकास्थित ढोला स्वास्थ्य चौकीमा कार्यरत
े निक साईमन्स अवार्ड – २०२४ का लागि ईच्छुक स्वास्थ्यकर्मीहरुलाई ग्रामीण क्षेत्रमा आफूले गरेको कार्यविवरण सहित आवेदन दिन गोरखापत्र दैनिकमा सार्वजनिक सूचना प्रकाशित गरिएको थियो । विभिन्न प्रदेशबाट प्राप्त २५ जना स्वास्थ्यकर्मीबाट योग्यता पुगेका १७ जनाको छनौट गरिएको थियो । ती मध्ये ५ जना नर्स र १२ जना प्यारामेडिक्स थिए । उनीहरुमध्ये उत्कृष्ठ ५ जनाको नाम फाइनलका लागि छनौट भएको थियो । फाइनलमा पुग्न सफल ५ मध्ये थापा सहित कालिकोटका सी अहेव अमरबहादुर सहकारी, दैलेखका सीअहेव कमलकुमार भण्डारी, खोटाङकी अनमी गंगा दाहाल, र दार्चुलाका सीअहेव हरिकृष्ण जोशी थिए । ती ५ मध्ये थापाले सर्वोत्कृष्ठ भएर अवार्ड पाएका हुन ।
राष्ट्रिय स्वास्थ्य तालीम केन्द्रकी निर्देशक यसोदा अर्यालको संयोजकत्वमा पाँच सदस्यीय समितिले अवार्डका लागि स्वास्थ्यकर्मी छनौट गरेको थियो । उदद्दाटन समारोहमा बोल्दै स्वास्थ्य मन्त्री पौडेलले नेपालको ग्रामिण क्षेत्रमा काम गर्ने स्वास्थ्यकर्मीको मनोवल बढाउन र चिकित्सक नपुगेको स्थानमा विशेषज्ञ चिकित्सक पठाएर निक साइमन्सले सरकारलाई ठूलो सहयोग गरेको बताउदै यस किसिमको सहयोग भविश्यमा समेत रहने विश्वास व्यक्त गरे । स्वास्थ्य मन्त्रालयका सचिव डा. विकाश देवकोटाले अहिले ४० जिल्लामा सेवा प्रदान गरिरहेको निक साइमन्सले भविश्यमा देशका ७७ वटै जिल्लामा सेवा प्रदान गर्न सकोस भन्दै थोरै बजेटमा धेरै काम गर्न सकिने कुरा निक साइमन्सबाट स्वास्थ्य मन्त्रालयले सिक्न दोजेको बताए ।
कार्यक्रममा निक साईमन्स ईन्सिच्युटकी कार्यकारी निर्देशक डा. अर्चना अमात्यले निक साइमन्सका संस्थापक जीम साइमन्सको गत वर्ष निधन भएको स्मरण गर्दै उहाँको योगदानलाई सधै स्मरण गरिरहने बताइन । स्वर्गिय साइमन्स प्रति कार्यक्रममा एक मिनट मौन धारण समेत गरिएको थियो । कार्यक्रममा स्वर्गिय साइमन्सकी धर्मपत्नी डा. मारलिन साइमन्सले नेपालको ग्रामिण क्षेत्रका बासिन्दालाई विशेषज्ञ सेवा प्रदान गर्न थोरै सहयोग गर्न पाएकोमा खुशी व्यक्त गर्दै ग्रामिण क्षेत्रमा उत्कृष्ठ सेवा गर्ने स्वास्थ्यकर्मीलाई पुरस्कृत गर्ने प्रयासले सार्थकता पाएको बताइन । कार्यक्रममा निक साइमन्सका अध्यक्ष विद्याधर मल्लिक, स्वास्थ्य सेवा विभागका महानिर्देशक डा. टंक बाराकोटी र स्वास्थ्य तालिम केन्द्रकी निर्देशक यशोदा अर्यालले निक साइमन्सले नेपालको ग्रामिण स्वास्थ्य सेवालाई गुणस्तरीय र सबैको पहूचमा पुर्याउन योगदान गरेको बताएका थिए । सम्मेलन ३ दिनसम्म चल्ने छ । सम्मेलनमा देशका विभिन्न जिल्लाबाट करिव १०० जना स्वास्थ्यकर्मी सहभागी छन् ।