• गृहपृष्ठ
  • समाचार
  • अन्तर्वार्ता
  • बिशेषज्ञ लेख
  • परिवार स्वास्थ्य
  • मानसिक
  • यौन
  • उपचार बिधी
  • स्वास्थ्य विशेष
  • योग
  • पोषण
  • आयुर्वेद
Health Today Nepal
  • November 21st, 2026
Health Today Nepal
  • गृहपृष्ठ
  • समाचार
  • अन्तर्वार्ता
  • बिशेषज्ञ लेख
  • परिवार स्वास्थ्य
  • मानसिक
  • यौन
  • उपचार बिधी
  • स्वास्थ्य विशेष
  • योग
  • पोषण
  • आयुर्वेद
Home
समाचार

दुई दिनपछि खुलेका काठमाडौंका अस्पतालमा बिरामीको भीड, ओपीडी सेवा पुनः सञ्चालनमा

July 30th, 2026 समाचार 0 comments
Facebook Twitter Google+ LinkedIn Pinterest
दुई दिनपछि खुलेका काठमाडौंका अस्पतालमा बिरामीको भीड, ओपीडी सेवा पुनः सञ्चालनमा

हेल्थ टुडे,

काठमाडौं, १४ साउन : चिकित्सकमाथि भएको आक्रमणको विरोधमा दुई दिनसम्म बन्द रहेको बहिरङ्ग (ओपीडी) सेवा बिहीबारदेखि पुनः सञ्चालन भएपछि काठमाडौं उपत्यकाका प्रमुख सरकारी अस्पतालहरूमा बिरामीको अत्यधिक चाप देखिएको छ ।

बिहानैदेखि त्रिवि शिक्षण अस्पताल, वीर अस्पताल, पाटन अस्पताल, सिभिल अस्पताल, कान्ति बाल अस्पताल तथा परोपकार प्रसूति तथा स्त्रीरोग अस्पतालमा टिकट काट्ने काउन्टरदेखि ओपीडी कक्षसम्म बिरामी र कुरुवाको लामो लाइन लागेको थियो । दुई दिनसम्म उपचारका लागि पर्खिएका नियमित फलोअपका बिरामी, नयाँ बिरामी तथा विभिन्न परीक्षणका लागि आएका सेवाग्राही एकैदिन अस्पताल पुगेपछि चाप बढेको अस्पतालहरूले जनाएका छन्।

ओपीडी सेवा बन्द हुँदा नियमित उपचारमा रहेका दीर्घरोगी, मुटु, मधुमेह, क्यान्सर, मिर्गौला तथा अन्य जटिल रोगका बिरामी सबैभन्दा बढी प्रभावित भएका थिए। धेरै बिरामी निर्धारित मितिमा चिकित्सकसँग परामर्श लिन नपाएकाले सेवा पुनः सुरु हुन बित्तिकै अस्पताल पुगेका हुन् । ’आज सामान्य दिनभन्दा धेरै बिरामी आएका छन्। दुई दिनको सेवाको चाप एकैदिन परेको देखिन्छ ।

बिरामीलाई सकेसम्म सहज रूपमा सेवा दिने व्यवस्था मिलाइएको छ,’ त्रिवि शिक्षण अस्पतालका निर्देशक डा. सुभाष आचार्यले भने । अस्पतालमा पुगेका केही बिरामीले उपचार सेवा पुनः सञ्चालन भएकोमा राहत महसुस गरे पनि लामो समय लाइनमा बस्नुपरेको गुनासो गरेका छन् । ’दुई दिनदेखि उपचार रोकिएको थियो। आज बिहानैदेखि लाइनमा बसेपछि बल्ल चिकित्सकलाई देखाउन पाएँ,’ उपचारका लागि गोर्खाबाट आएका विरामी मिना पोखरेलले भनिन ।

नेपाल मेडिकल एसोसिएसन र सरकारबीच चिकित्सकको कार्यस्थल सुरक्षा सुनिश्चित गर्ने तथा दोषीमाथि कानुनी कारबाही अघि बढाउने सहमतिपछि देशभर बन्द रहेका नियमित स्वास्थ्य सेवा पुनः सञ्चालनमा आएका हुन् । आन्दोलनका क्रममा आकस्मिक सेवा भने निरन्तर सञ्चालनमा रहेको थियो । स्वास्थ्य विज्ञहरूका अनुसार दुई दिनको सेवा अवरोधका कारण रोकिएका बिरामीको संख्या धेरै भएकाले आगामी केही दिनसम्म काठमाडौंका ठूला अस्पतालहरूमा बिरामीको चाप सामान्यभन्दा बढी रहने सम्भावना छ । त्यसका लागि अस्पतालहरूले अतिरिक्त जनशक्ति परिचालन, सेवा व्यवस्थापन र बिरामीको भीड नियन्त्रणमा विशेष ध्यान दिनुपर्ने आवश्यकता देखिएको छ । अधिकांश अस्पतालमा बिहान ८ बजेदेखि नै टिकट काउन्टरमा सेवाग्राहीको भीड देखिएको थियो भने ओपीडी कक्षबाहिर पालो पर्खिने बिरामीको संख्या पनि उल्लेख्य थियो । अस्पताल प्रशासनले बिरामीलाई धैर्यतापूर्वक पालोअनुसार सेवा लिन आग्रह गरेको छ ।

Facebook Twitter Google+ LinkedIn Pinterest
Previous article नर्स ज्योति रानाभाटले नर्सिङ परिषद् परिसरमै सुरु गरिन् सत्याग्रह
Next article चिकित्सकले लापरवाही गरेको आरोप लगाउदै कपिलबस्तुमा प्रदर्शन

Health Today Nepal

Related Posts

स्वास्थ्य सूचनामा फेरि खड्का

स्वास्थ्य सूचनामा फेरि खड्का

स्वास्थ्य राज्यमन्त्री ए क्लासको ठेकेदार

स्वास्थ्य राज्यमन्त्री ए क्लासको ठेकेदार

अस्पताललाई अनसनस्थल बनाएकोमा बिरोध

अस्पताललाई अनसनस्थल बनाएकोमा बिरोध

Leave a Reply Cancel reply

Timeline
Nov 20th 8:56 AM
समाचार

प्रथम राष्ट्रिय स्वास्थ्य प्रवर्द्धन सम्मेलन सुरु

Nov 16th 5:56 PM
समाचार

नेपालसँग स्वास्थ्य सहकार्य विस्तार गर्न चीन तयार

Nov 16th 8:26 AM
बिशेषज्ञ लेख

मधुमेहबाट बच्न यी पाँच कुरामा ध्यान दिउ

Nov 2nd 4:57 PM
समाचार

नेपालमा वर्षेनी ७ हजारभन्दा बढीको आत्महत्याबाट मृत्यु, रोकथाममा जिम्मेवार पत्रकारितामा जोड

Oct 28th 7:27 AM
समाचार

हावाहुरी र वर्षाको पूर्वानुमानसँगै १२ देखि १४ गतेसम्म स्वास्थ्य क्षेत्र उच्च सतर्कतामा

Oct 26th 10:50 AM
बिशेषज्ञ लेख

मधुमेहको समस्या छ भने सानो थालमा खानुस्

Oct 8th 8:01 AM
समाचार

विश्व दृष्टि दिवस : दृष्टि समस्या भएका ३० प्रतिशत दक्षिण–पूर्वी एसियामा

Oct 7th 12:04 PM
समाचार

कांग्रेस महाधिवेशनमा चिकित्सक संघका तीन पूर्वअध्यक्षको उम्मेदवारी

ताजा समाचार
समान्य नहुनसक्छ रुघाखोकी
बिशेषज्ञ लेख

समान्य नहुनसक्छ रुघाखोकी

134823
पाठेघर खस्ने समस्या
परिवार स्वास्थ्य

पाठेघर खस्ने समस्या

44
हरेक दिन ५ ग्राम नुन
परिवार स्वास्थ्य

हरेक दिन ५ ग्राम नुन

30
विरामी र डाक्टर : अविश्वासको खाडल
स्वास्थ्य विशेष

विरामी र डाक्टर : अविश्वासको खाडल

25
प्रकाशक
हेल्थ टुडे मिडिया प्रा.लि.
सुचना बिभाग दर्ता नम्बर : ३८५/०७३-७४

सम्पादक
पदमराज जोशी

समाचारदाता
के.पी रिमाल

सन्ध्या केसि

सम्पर्क
हेल्थ टुडे मिडिया प्रा.लि
अनामनगर, काठमाडौ
01-4212972, 9841449315

© Health Today Nepal 2021. All rights reserved.
Designed & Developed By : Nepsol Web