हेल्थ टुडे काठमाडौं, २९ कात्तिक : अन्तर्राष्ट्रिय प्याथोलोजी दिवसको अवसरमा नेपाली प्याथोलोजिस्टहरुको छाता संगठन एसोसिएसन अफ क्लिनिकल प्याथोलोजिस्ट्स अफ नेपालले बुधबार राजधानीमा वाकाथनको आयोजना गर्यो । ‘प्याथोलोजी बिना औषधिको कामछैन’ भन्ने मूल नाराका साथ भद्रकालीबाट सुरु भएको वाकाथन सुन्धारा, एनएसी, जमल, दरवारमार्ग हुदै रत्नपार्क पुगेर सभामा परिणत भएको थियो । सहभागी प्याथोलोजिस्टहरुले चेतनामूलक प्लेकार्ड बोकेका थिए ।
प्याथोलोजिस्टहरुले गुणस्तरीय प्याथोलोजी सेवाकालागि सरकारको ध्यान जानु पर्ने बताएका छन् । एसोसिएसन अफ क्लिनिकल प्याथोलोजिस्ट्स अफ नेपालका अध्यक्ष डा.शैलेश प्रधानले प्याथोलोजी सेवा गुणस्तरीय नहुन्जेलसम्म कुनै पनि रोगको सही निदान हुन नसक्ने भएकाले सरकारले गुणस्तरीय प्याथोलोजी सेवाका लागि लगानी बढाउनु पर्ने बताए । एसोसिएसनकी उपाध्यक्ष डा. रुना झाले नेपालमै गुण स्तरीय प्याथोलोजी सेवा उपलब्ध हुदाहुदै ल्याव टेष्टका लागि सेम्पल विदेश पठाउने प्रवृति पूर्णरुपमा रोक्नु पर्ने बताइन ।
Leave a Reply