हेल्थ टुडे,
काठमाडौं, ३ भदौ : नेपालमा यौन तथा प्रजनन स्वास्थ्य तथा अधिकार र लैङ्गिक हिंसा प्रतिकार्य सेवा सुदृढ गर्न विश्व स्वास्थ्य सङ्गठन (डब्लूएचओ) र संयुक्त राष्ट्रसङ्घीय जनसङ्ख्या कोष (युएनएफपिए) ले नयाँ संयुक्त कार्यक्रम सुरु गरेका छन्।
नर्वे र स्विट्जरल्यान्डको आर्थिक सहयोगमा सञ्चालन हुने दुई वर्षे ‘एकीकृत यौन तथा प्रजनन स्वास्थ्य र अधिकार एवं लैङ्गिक हिंसा सेवाका लागि प्रणाली सुदृढीकरण’ कार्यक्रमका लागि ६० लाख अमेरिकी डलर प्रतिबद्धता गरिएको छ। कार्यक्रम कोशी, मधेश र सुदूरपश्चिम प्रदेशका २० पालिकामा कार्यान्वयन हुनेछ।
कार्यक्रमले सङ्घ, प्रदेश र स्थानीय तहमा गुणस्तरीय यौन तथा प्रजनन स्वास्थ्य सेवा तथा लैङ्गिक हिंसाबाट प्रभावित व्यक्तिलाई आवश्यक स्वास्थ्य र संरक्षण सेवा उपलब्ध गराउने प्रणालीको क्षमता सुदृढ गर्नेछ। साथै समुदायमा सचेतना बढाई आवश्यक पर्दा कहाँ र कसरी सेवा तथा सहयोग लिन सकिन्छ भन्ने जानकारीसमेत विस्तार गरिने जनाइएको छ।
डब्लूएचओ र युएनएफपिएले सरकारको नेतृत्वमा स्वास्थ्य प्रणालीको क्षमता अभिवृद्धि, सेवा प्रवाहका मापदण्ड सुधार तथा लैङ्गिक हिंसाबाट प्रभावित व्यक्तिका लागि एकीकृत सेवाको विकासमा सहयोग गर्नेछन्। कार्यक्रमले नीति र कानुनी व्यवस्थालाई व्यवहारमा कार्यान्वयन गर्दै सेवा पहुँचमा रहेको दूरी घटाउने लक्ष्य लिएको छ।
नेपालमा लैङ्गिक हिंसा रोकथाम तथा प्रतिकार्यका लागि विगत एक दशकभन्दा लामो समयदेखि हुँदै आएको सहकार्यको अनुभवमा आधारित यो कार्यक्रमले स्थानीय तहका नीति तथा प्रणालीलाई थप संस्थागत गर्ने, आन्तरिक लगानी बढाउने र दीर्घकालीन रूपमा दिगो तथा राष्ट्रिय स्वामित्वका सेवा प्रणाली विकास गर्न सहयोग गर्नेछ।
ग्ल्ँएब्ले प्रजनन स्वास्थ्य तथा अधिकार र लैङ्गिक हिंसा प्रतिकार्यमा आफ्नो विज्ञता तथा ध्ज्इले स्वास्थ्य प्रणाली र गुणस्तर मापदण्डसम्बन्धी प्राविधिक क्षमता प्रयोग गर्दै सरकारसँग सहकार्य गर्ने जनाएका छन्। कार्यक्रमको मुख्य उद्देश्य हरेक महिला, बालिका, किशोरकिशोरी तथा सीमान्तकृत समुदायले आवश्यक स्वास्थ्य सेवा र सहयोग सहज रूपमा प्राप्त गर्न सक्ने वातावरण निर्माण गर्नु रहेको छ।
Leave a Reply