हेल्थ टुडे,
काठमाडौँ, १० भदौ : पूर्वबडामहारानी रत्नराज्यलक्ष्मी शाह स्वास्थ्यमा सुधार आएपछि बुधबार नर्भिक इन्टरनेशनल हस्पिटलबाट डिस्चार्ज हुनुभएको छ।
अस्वस्थ भएपछि उहाँलाई गत आइतबार नर्भिक इन्टरनेशनल हस्पिटलमा भर्ना गरिएको थियो। अस्पतालमा चिकित्सक तथा नर्सहरूको निगरानीमा उहाँको उपचार गरिएको थियो। स्वास्थ्य अवस्थामा सुधार आएपछि चिकित्सकहरूको सल्लाहअनुसार बुधबार उहाँलाई डिस्चार्ज गरिएको अस्पतालले जनाएको छ ।
पूर्वबडामहारानी शाहलाई अस्पतालबाट घर लैजान पूर्वराजा ज्ञानेन्द्र शाह, पूर्वरानी कोमल राज्यलक्ष्मी शाह, पूर्वयुवराज पारस शाह र पूर्वयुवराज्ञी हिमानी शाह पनि नर्भिक पुग्नुभएको थियो।
डिस्चार्ज हुनुअघि पूर्वयुवराज्ञी हिमानी शाह र पूर्वराजकुमारी सिताश्मा शाहले नर्भिक अस्पतालको भिजिटर बुकमा सन्देश लेख्दै उपचारमा संलग्न चिकित्सक, नर्स तथा अस्पतालका कर्मचारीप्रति धन्यवाद व्यक्त गर्नुभएको थियो।
स्वास्थ्यमा सुधार आएपछि अस्पतालबाट बाहिरिँदै गर्दा पूर्वबडामहारानी शाहलाई परिवारका सदस्यहरूले साथ दिनुभएको थियो। उहाँको स्वास्थ्य अवस्थाबारे परिवार तथा शुभेच्छुकहरूले चासो व्यक्त गर्दै आए
Leave a Reply