हेल्थ टुडे
काठमाडौं, ८ मंसिर स्वास्थ्य मन्त्रालयको १२ औं (विशेष सचिव) तहमा डा. सुशिल प्याकुरेल र डा. तरुण पौडेल बढुवा भएका छन् । सरकारले रिक्त १२ औं तहमा प्याकुरेल र पौडेलको बढुवा गरेको हो । डा. पौडेल राष्ट्रिय एचआईभी, एड्स तथा यौन रोग नियन्त्रण केन्द्रको निर्देशक थिए भने डा. प्याकुरेल सुदूरपश्चिम क्षेत्रिय स्वास्थ्य निर्देशनालयका निर्देशक थिए । स्वास्थ्य मन्त्रालय मातहतको बढुवा समितिले पौडेल, प्याकुरेल सहित डा. रोषन पोखरेल गरि तीन जनाको नाम बढुवाका लागि सिफारिस गरेको थियो ।
स्वास्थ्य मन्त्रालयमा सचिव सहित पाँच जनाको १२ औं तहको दरबन्दी छ । स्वास्थ्य सचिव डा. किरण रेग्मी बाहेक अहिले १२ र्औ तहमा डा. विनोदमान श्रेष्ठ र डा. पुष्पा चौधरी छन् । स्वास्थ्य सेवा विभागको महानिर्देशक पनि १२ औं तहको हुनु पर्नेमा एघारौ तहका डा. राजेन्द्र पन्तलाई निमित्त दिइएको छ । स्वास्थ्य मन्त्रालयमा १२ औं तहमा यी दुईको बढुवा भएपछि केही समयपछि रिक्त हुने सचिवको हुने भन्ने दौडधुप सुरु हुने मन्त्रालयका एक अधिकारी बताउछन । डा. रेग्मी एक महिनापछि सेवा निवृत हुदैछिन् । डा. पौडेल पनि निवृत हुने बेला १२ औं तहमा बढुवा भएका छन् । निकट भविश्यमा यी चार जना मध्ये एक जनाले स्वास्थ्य मन्त्रालयको सचिव हुने अवसर पाउने छन् ।
Leave a Reply