१२ वर्षमै महिनावारी, जमाना बदलियो

सन्ध्या केसी,

गृह मन्त्रालयमा कार्यरत महिमा शर्माकी छोरी विनिता अहिले एघार वर्षकी भइन । विनिता अहिले कक्षा ६ मा पढ्दैछिन । दशै फुलपातीको दिन विनिता रजस्वला भइन । पहिलो पटक रजस्वला भएपछि उनी रुन थालिन । उनले कसैलाई यो कुरा बताउन सकिन्न । पछि उनका साथी मार्फत आमा महिमाले थाहा पाइन । पछि उनले वितिनालाई सम्जmाइन, यो समान्य क्रिया हो । सबै महिलालाई हुन्छ आत्तिनु पर्दैन । महिमालाई छोरी यति चाडै रजस्वला होलिन भन्ने सोचेकी नै थिएन ।  त्यसैले उनले यस बिषयमा पहिले नै विनितालाई आवश्यक जानकारी दिएकी थिइनन । महिमा भन्छिन, म १७ वर्षमा महिनावारी भएकी थिए । छोरी यति चाडै होलिन भन्ने त सोचेकै थिइन । महिमा मात्र नभएर वाग्मती नर्सरीकी संचालिका भावी रावल पनि १२ वर्ष नपुग्नै नातिनीको रजस्वला सुरु भएपछि अचम्म परिन । यति कम उमेरमै महिनावारी सुरु होला भन्ने कसैको दिमाकमै थिएन । उनले भनिन, जमाना बदलिसकेको छ । यी दुई त प्रतिनिधि घटना मात्र हुन । अहिले किसोरीहरुको महीनावारी हुने उमेर घट्दै गइरहेको छ । पहिले पहिले पन्ध्र सोह वर्षमा महिनावारी हुन्थे ।

तर अहिले शारीरिक स्वस्थ्यता, पोषणयुक्त खानालगायतका कारण दश एघार वर्षमै किसोरीहरु महिनावारी हुन थालेका छन । त्यसैले आठ नौ वर्ष कै उमेर महिनावारी हुदा ध्यान दिनु पर्ने कुरा आमा बुबाले छोरीलाई दिनु आवश्यक भइसकेको छ । स्त्री रोग विज्ञ डा. मिना जmाका अनुसार महिनावारी हुने उमेर घट्दै जानु आफैमा समस्या त होइन । तर यसका बिषयमा किसोरीमा प्रयाप्त जानकारी नभएपछि महिनावारी नै समस्या र तवान बन्न सक्छ । महिनावारी हुदा रगत कनि आउछ ? हरेक महिनामा एक पटक किसोरीहरुको यौनीबाट रगत बग्छ । पेट दुख्छ । यस्तो पहिलो पटक हुदा किसोरी अचम्म पर्छन । अस्तिसम्म पिसावमात्र आउने यौनीबाट रगत आएपछि आत्तिन्छन । उनीहरु यो कुरा सबैलाई भन्न चाहदैनन । कोही कोही त मानसिक तनावमा समेत हुन्छन । त्यसैले यस बेला महिनावारीका विषयमा सही सूचना दिनु पर्छ । महिनावारी भन्नाले नामैले हरेक महिना घट्ने घट्ना । यो समान्य शारीरिक प्रकृया हो । यो महिलाको यौनांग पूर्ण रुपमा विकास भएको संकेत हो ।