नागरिक समाजको तर्फबाट सि.सि.एम. मा ४ सदस्य निर्वाचित

हेल्थ टुडे,
काठमाडौ, १३ जेठः एड्स विरुद्ध राष्ट्रिय नेटवर्क समुह नेपाल (नानगान) ले नागरिक समाजवाट सि.सि.एम. मा प्रतिनिधि सदस्यको छनौट गरेको छ । २०७५ साल जेष्ठ ९ गते तदनुसार २३ मई २०१८ वुधवारका भएको निर्वाचन प्रक्रिया अन्र्तगत सि.सि.एम. नेपालको रुल अफ बिग्नेस ( Rule of business) को अनुसूची ४ अनुसार नागरिक समाजवाट सि.सि.एम. सदस्य छनौट गरिएको हो ।
मुख्य सदस्य पदका लागि २ जना वैकल्पिक सदस्य पदका लागि २ जना गरी सि.सि.एम सदस्य निर्वाचित गरिएको नानगानका अध्यक्ष श्री दल बहादुर जि.सि.ले जानकारी दिनुभएको छ । निर्वाचन प्रक्रियामा नौ वटा संस्थाका २० जना प्रतिनिधिहरुको सहभागिता थियो ।
धिरेद्र लम्साल र श्री ईन्दिरा राना मुख्य सदस्य पदका लागि निर्वाचित हुनुभएको छ भने अञ्जु के. शी. र जगदीश चन्द्र भट्ट बैकल्पिक सदस्यमा निर्वाचित हुनुभएको छ । उक्त निर्वाचन प्रक्रियामा निवर्नचन अधिकृत हरि प्रसाद अवस्थी र सि.सि.एम. नेपाल निर्वाचन समिति सदस्य ईभाना लोहार रहनुभएको संस्थाका अध्यक्ष जि.सि.ले बताउनुभयो ।
सि.सि.एम. नेपालले स्वास्थ्य मन्त्रालय अन्र्तगत रहेर ग्लोबल फण्ड, नेपाल सरकार र गैर सरकारी संस्थाहरुसंग समन्वयन गर्दै एचआइभि, मलेरियाका साथै टिबी रोगका क्षेत्रमा काम गर्दै आएको छ ।