बुटवल ६ असारः रुपन्देहीको तिलोत्तमा नगरपालिकाले आगामी आर्थिक वर्षका लागि शिक्षा, स्वास्थ्य, कृषि र पूर्वाधार विकासलाई प्राथमिकतामा राख्दै आगामी आर्थिक वर्षको नीति तथा कार्यक्रम सार्वजनिक गरेको छ ।
उक्त नगरपालिकाको आजबाट शुरु भएको तेस्रो नगरसभामा नीति तथा कार्यक्रम प्रस्तुत गर्दै नगर प्रमुख वासुदेव घिमिरेले ‘स्वस्थ नगरवासी ः स्वस्थ नगर’ भन्ने नाराका साथ गुणस्तरीय स्वास्थ्य सेवामा सबै नागरिकको समता मूलक पहुँच सुनिश्चित् गर्ने कार्यमा नगरपालिका क्रियाशील रहने उल्लेख गर्दै नगर प्रमुख घिमिरेले निकट भविष्यमा कार्यान्वय हुने स्वास्थ्य बीमा कार्यक्रम अन्र्तगत वडा नंं १७ का नागरिकलाई स्वास्थ्य बीमामा लाग्ने रकमको ३० प्रतिशत रकम अनुदान दिन बजेटमा व्यवस्था मिलाइने जानकारी गराउनुभएको छ ।
स्वयंसेवक परिचालन रणनीति तय गरिने, बढीमा दुई छोरी मात्र जन्माई बन्ध्याकरण गर्ने दम्पतिलाई सम्मान गरिने, नीति तथा कार्यक्रममा उल्लेख छ ।
नीति तथा कार्यक्रम तिलोत्तमा नगरलाई समृद्ध बनाउने मार्गदर्शक दस्तावेज भएकाले यसको सफल कार्यान्वयनका लागि सम्पूर्ण सरकारी निकाय, राजनीतिक दल, संघ संगठन, गैरसरकारी संस्था, निजी तथा सहकारी क्षेत्र लगायत सबैको सद्भाव, सहभागिता र सहयोग हुने विश्वास लिइएको छ ।
रासस
Leave a Reply