ग्रान्डीको छतमा हेलिकोप्टर दुर्घटना

हेल्थ टुडे,

काठमाडौं, १६ असार :  धापासीस्थित ग्रान्डी अस्पतालको छतमा विरामी बोकेको हेलिकोप्टर दुर्घटना भएको छ ।  शनिबार दिउँसो दोलखाबाट बिरामी ल्याएर छतमा अवतरण गरेको सीम्रिक एयरको हेलिकोप्टर दुर्घटनामा परेको हो । दुर्घटनामा चालक दलका एक सदस्य घाइते भएको अस्पताल स्रोतले बताएको छ ।  अस्पतालको छलमा हलिकोप्टर दुर्घटना भएको यो पहिलो पटक हो । घटनामा कुनै मानवीय क्षति नभएको र यस घटनाको बिषयमा थप अनुसन्धान भइरहेको महानगरीय प्रहरी वृत्त महाराजगञ्जका डिएसपी भेषराज रिजालले जानकारी दिएका छन् । दुर्घटनाका बिषयमा अस्पतालले औपचारिक जानकारी दिएको छैन ।