चिकित्सा शिक्षा विधेयक–संसदमा संशोधन दर्ता

हेल्थ टुडे,
काठमाडौं, १५ साउनः नेकपामा सांसदहरुले डा गोविन्द केसीसँग सरकारले गरेको सहमति अनुसार नेपाल कम्युनिस्ट पार्टीका तीनजना सांसदले चिकित्सा शिक्षा विधेयकमा संशोधन दर्ता गराएका छन । नेकपाका तर्फबाट सचेतक देव गुरुङ, कृष्णभक्त पोखरेल र शान्ता चौधरीले संशोधन दर्ता गराएका हुन् । उनीहरुले दर्ता गराएको संशोधन डा केसीसँग भएको सम्झौता अनुसार रहेको छ ।
यस बाहेक अन्य ५ वटा संशोधन दर्ता भएका छन् । कांग्रेस सांसद गगन थापाले, कांग्रेसकै भरत गौतम र सञय कुमार गौतमले पनि संशोधन दर्ता गराएका छन् । त्यस्तै कांग्रेसका भरतकुमार साह र दिलेन्द्र प्रसाद बडुले संशोधन दर्ता गराएका छन् ।
त्यसैगरी, राष्ट्रिय जनता पार्टीका अनिल कुमार झा, नेकपाका गंगा चौधरी सत्गौवा, लक्ष्मी कुमारी चौधरी र आशा कुमारी विक लगायतले पनि संशोधन विधेयक दर्ता गरेका छन् ।
गत असार १६ देखि साउन १० सम्म अनसन बसेका डा केसीसँग विभिन्न विषयमा ९ बुँदे सहमति भएका थिए । जसअनुसार संसदमा दर्ता भएको चिकित्सा शिक्षा विधेयकमा विभिन्न संशोधनहरु गरिने उल्लेख छ ।