धरानमा डेङ्गुको महामारीः तीन सातायता करिब ५० जना उपचारमा

हेल्थ टुडे,
धरान,१८ जेठः सुनसरीको धरानमा लामखुट्टेको टोकाईबाट सर्ने डेङ्गु रोगको महामारी फैलिएको छ । धरानस्थित विपी कोइराला राष्ट्रिय स्वास्थ्य विज्ञान प्रतिष्ठानमा गत तीन सातायता करिब ५० जना उपचार गराईरहेका छन् । मुख्य गरी लामखुट्टेको टोकाइबाट सर्ने रोग डेंगु धरान उपमहानगरमा महामारीका रुपमा फैलिएको छ । पछिल्लो समय धरान उपमहानगरपालिकाले फोहोर व्यवस्थापनमा ध्यान नपुर्याउँदा डेंगुको महामारी फैलिएको स्थानीयको गुनासो छ । धरानमा अहिले ७३ डेंगुका बिरामी भेटिएका छन् । उनीहरुको बीपी कोइराला स्वास्थ्य विज्ञान प्रतिष्ठान र विजयपुर अस्पताल धरानमा उपचार भइरहेको छ। प्रतिष्ठानमा ६० जना र विजयपुरमा १३ जनाको उपचार भइरहेको छ।

७३ बिरामीमध्ये एकजना इटहरीका र अन्य ७२ धरानकै छन्। प्रतिष्ठानमा आएका एक सय १४ बिरामीको परीक्षण गर्दा ६० जनामा डेंगू देखा परेको प्रतिष्ठानले जनाएको छ । धरानकै जयपुर अस्पतालमा १३ जना डेंगु बिरामीको उपचार भइरहेको अस्पतालले जनाएको छ । डेङ्गु नियन्त्रणका लागि उपमहानगरको पहलमा ‘¥यापिड रेस्पोन्स टिम’ बनाएको छ।

7प्रतिष्ठानका स्कूल अफ पब्लिक हेल्थ तथा कम्युनिटी मेडिसिनका एसोसिएट प्रोफेसर डा विजयकुमार खनाल संयोजक, सहसंयोजक धरान उपमहानगरपालिकाका स्वास्थ्य शाखाका प्रमुख रामबाबु यादव, प्रतिष्ठानका डा प्रज्वल प्याकुरेल, डा सोनाइ चौधरी, डा लोकबहादुर श्रेष्ठ, डा जितेन्द्र ठाकुर, डा रोशन क्षेत्री, जितेन्द्र यादव, प्रतिष्ठानको सामान्य प्रशासन विभागका अधिकृत महेश्वर राई र स्वयंसेविकालगायतको टिमले धरानमा फैलिएको डेङ्गुबारे अध्ययन गरिरहेको छ ।

डेङ्गु ‘भाइरस’ फैलाउने लामखुुट्टे खेदाउन उपमहानगरले अल्फा साइफर मेथ्रिन छर्ने काम गरेको थियो। तर स्थलगतरूपमै डेङ्गुको सङ्क्रमित खोज्ने, भाइरस सर्नुको कारणसँगै नियन्त्रणको उपाय, जनचेतना फैलाउने तथा थप अनुसन्धान आवश्यक भएकाले स्थलगतरूपमै अध्ययन शुरु गरिएको बीपी कोइराला स्वास्थ्य विज्ञान प्रतिष्ठानका अस्पताल निर्देशक डा गौरीशङ्कर साहले जानकारी दिए।

लामखुट्टेले टोकेपछि सुरुमा ज्वरो आउने, शरीरमा दादुरा जस्ता फोका आउने, लिभर पुल्ने र पेटमा पानी जम्ने र गिजाबाट रगत आउने, शरीर दुख्ने लक्षय देखिने चिकित्सकले बताएका छन् । पोथी लामखुट्टे सफा पानीमा मात्र बस्ने भएकाले घरवरपर पानी जम्न दिनु नहुने चिकित्सकको सुझाव छ । डेंगुको समयमा उपचार नभए बिरामीको ज्यान खतरामा पर्ने भएकाले तत्काल उपचार गर्नुपर्छ ।