चौबिसै घण्टा सेवा दिने गरी बर्थिङ सेन्टर सञ्चालन

हेल्थ टुडे,
बाग्लुङ,२५ जेठः बागलुङ जिल्लाको काठेखोला गाउँपालिका–१ को पालामा सुविधा सम्पन्न स्वास्थ्यचौकी भवन निर्माण गरी नियमित उपचार सेवासहित चौबिसै घण्टा सुत्केरी सेवा दिने बर्थिङ सेन्टर सञ्चालनमा ल्याइएको छ । नेपाल सरकारको बहुवर्षे कार्यक्रमअन्तर्गत रु एक करोड ६२ लाखको लागतमा स्वास्थ्यचौकी भवन निर्माण गरिएको हो ।

भवन निर्माणपछि उपचार सेवा समेत सुरु गरिएको छ । सेवा सुरु भएपछि हरेक नागरिकलाई स्वास्थ्य सेवा सहज हुने अपेक्षा गरिएको छ । नियमित स्वास्थ्यकर्मी बस्नुपर्ने भएकाले वडा तहबाट आवास व्यवस्थापन र स्वास्थ्यचौकीसम्म सहज सडक निर्माणका लागि रु पाँच लाख लगानी गरिएको छ ।