सर्पदंशबाट एक जना वृद्धको मृत्यु

हेल्थ टुडे,
भद्रपुर,२१ साउनः झापामा सर्पदंशबाट एक वृद्धको मृत्यु भएको छ । मृत्यु हुनेमा भद्रपुर नगरपालिका–१ पृथ्वीनगरका ७२ वर्षीय पदमबहादुर प्रधान रहेको प्रहरी कार्यालय झापाले जनाएको छ ।

प्रहरीका अनुसार घरमै रहेका प्रधानलाई बिषालु सर्पले टोकेको थियो। सर्पले टोकेको थाहा पाए लगतै परिवारले तत्काल उपचारका लागि चाराआलीस्थित सर्पदंश उपचार केन्द्र लगेका थिए ।

तर, त्यहाँ उपचार सम्भव नभएपछि थप उपचारका लागि बिर्तामोडस्थित बिएण्डसी अस्पताल लैजादै गर्दा उनको बाटोमै मृत्यु भएको प्रहरीले जनाएको छ ।

अस्पताल पुग्ने बित्तिकै चिकित्सकहरुले अस्पताल पुग्नुअघि नै बिरामीको बाटोमै मृत्यु भईसकेको जानकारी दिएका छन् ।