राजधानीको रातोपुलमा रहेको नेशनल बाथ सेन्टरले दुई वर्षको छोटो अवधिमा ६० हजार बाथरोगीको उपचार गरेको जनाएको छ । तेश्रो बार्षिकोत्सवको अवसरमा सेन्टरले बहिरंग विभाग मार्फत र निशुल्क बाथ रोग शिविर मार्फत यी विरामीलाई उपचार दिएको जानकारी दिएको हो । सेन्टरका प्रवन्ध निर्देशक रोसन कक्षपतिले करिव २६ लाख नेपालीमा कुनै न कुनै किसिमको बाथको समस्या भएपनि १० प्रतिसतमात्र उपचारमा आउने गरेको बताए । उनले भने, ‘अझै ९० प्रतिसत बाथरोगी उपचार बाहिर छन । ’
सेन्टरले बार्षिकोत्सवका अवसरमा शनिबार बाथरोग सचेतना कार्यक्रम आयोजना गर्दै छ । जस अनुसार काठमाडौ र ललितपुरमा मोटरसाइकल र्याली र बाथरोग सम्बन्धी फोटो प्रदर्शनी रहेको छ । हरेक दिन सय जनाको उपचार गर्न सक्ने क्षमता भएको सेन्टरले हरेक वर्ष एक जिल्लामा बाथरोग उपचार केन्द्र स्थापना गर्ने लक्ष्य लिएको कक्षपतिले बताए ।
Leave a Reply