नारायणी उपक्षेत्रिय अस्पतालबाट आठ डाक्टर पक्राउ

हेल्थ टुडे
नारायणी उपक्षेत्रिय अस्पताल पर्शाबाट प्रहरीले आठ जना चिकित्सकलाई पक्राउ गरेको छ । पक्राउ पर्नेमा सरोज सिह, अरुणकुमार गुप्ता, विनय शाह, पन्नालाल पटेल, रमतुल्लाह, निमेश, मिरशाहदुल हक सहित छन् । उनीहरुलाई पक्राउ गर्नाको कारण प्रहरीले खुलाएको छैन । गत महिना पूर्वका विभिन्न भागबाट प्रहरीले १२ जना नक्कली चिकित्सक पक्राउ गरेको थियो । उनीहरु अहिले कारागार चलान भएका छन् । नारायाणी उप क्षेत्रियबाट पक्राउ गरिएका चिकित्सकहरु पनि अवैध रुपमा काम गरिरहेको आरोपमा पक्राउ गरिएको हुनसक्ने आशंका गरिएको छ । यस बिषयमा प्रहरीले अहिलेसम्म केही बताएको छैन ।