औषधि व्यबस्था बिभागले बुझ पचायो

सुरेन्द्र मानन्धर

नेपाली युवाहरूको भविष्य अन्धकारमा धकेल्नकालागि तथाकथित आयात प्रतिस्थापनको निति विश्व ब्यापार संगठनको आचार संहिता बिपरित लागु गर्न केहि मुट्ठीभर उद्योगी भनाउँदा लागि परेका छन् । जसले अरु त के प्याकेजिङ गर्ने कागज र एक्सपायरी म्याद छाप्ने मसी समेत बिदेशबाट आयात गर्नु पर्छ । बिडम्बना छ ।

ट्याबलेट, क्याप्सूल, स्याचेट, ग्रानुवल, झोलका रूपमा हुने आहार पूरक खाद्य पदार्थ (फुड सप्लीमेन्ट) तथा श्रृङगारका सामग्रीलाइ औषधि भन्ने औषधि ब्यबस्था बिभागले बुझ पचाउनु भएन । किनभने ट्याबलेट, क्याप्सूल,स्याचेट, ग्रानुवल, झोल हुदैमा कुनै पनि चिज औषधि हुंदैन । कि औषधि ब्यबस्था बिभागसँग पेटेन्ट राइट छ, ट्याबलेट, क्याप्सूल, स्याचेट, ग्रानुवल, झोल सबै औषधि हुन भनेर हैन् भने नेपाल सरकारको  खाध प्रबिधि तथा गुण नियन्त्रण विभागले प्रमाणित गरेको फुड सप्लिमेन्टलाई सरोकारवाला बिभागको दायरा र कार्यक्षेत्रलाई बलजफ्ती  मिचेर, अरुको ईसारामा फुड सप्लिमेन्टको आयातमा रोक लगाउने गरि भन्सार विभागलाई निर्देशन दिएर बिभिन्न नाकामा नेपाली व्यवसायीको विदेशीलाई भुक्तानी भैसकेको करोडौको सामान अडकाएर सरकारी राजश्वलाई नै क्षति हुने गरी  फुड सप्लिमेन्टको व्यवसायलाई धरापमा पार्ने, सम्पूर्ण नेपाली उपभोक्ता वर्गलाई बस्तु उपभोग गर्ने अधिकारबाट बन्चित गर्न खोज्ने र गलत अभिव्यक्ति दिएर भ्रम फैलाउने अधिकार औषधि ब्यबस्था बिभागलाई छैन ।

यी तमाम कुराको पछाडि कहिं न कहिं स्वार्थको खेल रहेको देखिन्छ । जस्को परिणाम हालको ७ वटा  संगठनहरुले आह्वान गरेको संयुक्त आन्दोलन हो । यदि यो आन्दोलनले  निकास पाएन र देशव्यापी रुपमा आन्दोलन उर्लियो भने यस्ले स्वास्थ्य क्षेत्रमा  नकारात्मक परिणाम ल्याउने छ ।  आयात प्रतिस्थापन गर्ने नितिको नतिजा स्वरुप नेपाल  र  नेपाली जनताले बेहोर्नु पर्ने सास्तीको  जिम्मेवारी स्वास्थ मन्त्रालयले लिनुपर्छ ।

­­(मानन्धर,नेपाल खाद्य,आयुर्वेदिक ,न्यूट्रास्युटिकल,कस्मास्युटिकल समाजका उपाध्यक्ष हुनुहुन्छ । )