मधुमेह सम्बन्धी निःशुल्क ब्लड सुगर परीक्षण

काठमाडौं डाइविटिज एण्ड थाइरोइड सेन्टर र अल्का अस्पताल जावलाखेलको संयुक्त आयोजनामा आइतबारदेखि मधुमेह सम्बन्धी निःशुल्क सुगर परिक्षण सेवा सुरु भएको छ । विश्व मधुमेह दिवसको अवसर पारेर आयोजना गरिएको उक्त निशुल्क परिक्षण सेवा एक हप्तासम्म चल्ने छ । नोवेम्बर १४ लाई विश्व मधुमेह दिवसका रुपमा मनाइन्छ ।

सेन्टरका वरिष्ठ डाइविटिज एण्ड थाइरोइड विशेषज्ञ डा. अंशुमाली जोशीले मधुमेह दिवसका दिन यस बिषयमा जनचेतनामूलक र्याली निकाल्नुका साथै ५०० भन्दा बढी विरामीको निशुल्क सुगर परिक्षण हुने बताए । मधुमेह दिवसका दिन यो रोगका बिषयमा बिशेष परामर्श र निशुल्क औषधि समेत बितरण गरिने योजना सेन्टरले बनाएको छ ।